7 апрель көнне районыбызда "Без яшь, без сәләтле" республикакүләм интеллектуаль олимпиадасы үтте. Ул ике этаптан торды. Проектлар яклау этабында мәктәбебез укучысы Имамов Нияз 2 дәрәҗәдәге Диплом белән бүләкләнде, ә калган укучыларга сертификатлар тапшырылды. 

7 апрель көнне мәктәбебездз биология фәненән "Аукцион биологических знаний" дип исемләнгән кичә үтте.

3-8 апрель көннәре мәктәбебездә Химия һәм биология атналыгы итеп игълан ителде. Атналыкта күп кенә чаралар, бәйгеләр, ребуслар чишү, кул эшләре күргәзмәсе, кызыклы кичәләр үтте. "Отходларны- доходларга" кул эшләре күргәзмәсе моңа ачык мисал.

Химия-биология атналыгында 5-7 класслар арасында Ребуслар чишү бәйгесе үтте.

4 апрель көнне мәктәбебездә Халыкара интернет көне уңаеннан лаеклы ялдагылар өчен укучылар тарафыннан мастер -класс үткәрелде. 

29 март көнне мәктәбебездә Актаныш, Пучы, Сәфәр, Киров егетләре арасында баскетбол ярышы үткәрелде. Укучыларыбыз 2 урынга ия булдылар.

30 март көнне мәктәбебезгә Белгород шәһәреннән цирк-тамаша килде. Тамашаны карарга  укучыларыбыз белән бер рәттән авылыбызның "Тамчы"балалар бакчасыннан һәм Олыймән авылы балалар бакчасыннан да балалар бар иде. Өйрәтелгән эт, кракодил, елан, клоун чыгышлары балалар күңелендә бары матур хатирәләр булып кына уелып калдылар.

29 март көнне районыбызның ЗАГСлар бүлегендә югары класс укучылары белән очрашу оештырылды. ЗАГС бүлеге җитәкчесе  Гөлфинә Баяновна укучыларны бик җылы каршы алды. Архив, эш бүлмәләре, Тантаналар залы белән таныштырды. Очрашуда районның имам-хатыйбы- Руслан хәзрәт, Мөслимәләр Шурасы рәисе Зөһрә ханым Закирова, психолог Хәһимә ханым Шәйгарданова, район үзәк хастаханәсенең баш врач урынбасары, акушер-генеколог Анжелика ханым Эдурдовна да катнашты. Алар үзләренең төпле киңәшләрен, тәрбияви фикерләрен укучыларыбызга җиткерделәр.

Мәктәбебезнең 6 класс укучылары 7 апрель көнне узачак "Без яшь, без сәләтле" республика конкурсына әзерлек эшләре алып баралар. 

30 март Башкортстанның Илеш районы Яркәй урта мәктәбендә биология фәненнән "Экологик белем аукционы" дип исемләнгән регионара интеллектуаль уены үткәрелде. Безнең мәктәптән дә биология фәне укытучысы Г.Х.Магданурова җитәкчелегендә 3 укучыдан торган команда катнашты һәм уңышлы чыгыш ясап, Диплом, сертификатка ия булдылар.