Мәктәп еллары! Гаҗәп күңелле, истәлекле, онытылмас еллар! Беренче кыңгырау! Беренче дәрес! Беренче укытучы! Ә аннан соң инде белем нигезләрен ныклы үзләштерү өчен куелган тырышлык, төрле кызыклы эшләргә өйрәнү, җәмәгать эшләре белән 11 ел вакытның үтүе сизелми дә кала һәм үзенең моңсулыгы, дулкындаргыч мизгелләре бай булуы белән башка бәйрәмнәрдән аерылып торган "" Соңгы кыңгырау  көне килеп җитә. 25 май. Безнең мәктәптә дә илебезнең башка төбәкләрендәге кебек үк, 11 ел буена белем һәм көч туплаган, тәрбия алган 7 укучы өчен, зур тормыш юлына сукмак башы булган Соңгы кыңгырау яңгырады. 

17 май көнне 11 класс укучылары татар теленнән имтихан эше яздылар. Барлык укучылар да "Яхшы" һәм "Бик яхшы" эшләренә башкардылар.

18 май көнне мәктәбебез укытучылары- Багауова Л.Ә., Мирзаһитова Р.Т., Имамова Р.Х., Җиһангирова Н.М. "Гамил Афзал укулары"  6 нчы республика фәнни-тикшеренү конференциясендә катнаштылар һәм чыгыш ясадылар. 

13 май көнне Сәфәр авылы ягында урнашкан посадканы чистартып, агарту өмәсе оештырылды.

15 май көнне Халыкара гаилә көне уңаеннан авылыбыз китапханәсендә район китапханәчеләр семинары булып үтте. Анда авыл башлыгы А.Ә.Гафуров, Актаныш агрофирмасының Киров бүлекчәсе җитәкчесе И.Ф.Гаянов, авылыбызнның иң үрнәк гаиләләренең берсе- Кирамовлар гаиләсе катнашты. Үзләренең җылы фикерләрен җиткерде, киңәшләр бирделәр.

Ганиевлар, Сираевлар гаиләләре укылган китаплар буенча сорауларга җавап бирделәр, шигырьләр чыгардылар, гаилә буенча канатлы сүзләр әйттеләр. Мәктәпннең тәрбия эшләре буенча директор урынбасары Н.М.Җиһангирова укучыларны матур әдәбиятка кызыксындыру алымнары турында, Мәктәп -Гаилә-Китапханә эшчәнлеге ныклы булганда бар уңышка да ирешеп булуы турында ассызыклады.

15-18 май көннәрендә Казаннның "Костер" лагерендә "Инициатива-2017" дип исемләнгән балалар хәрәкәте буенча Республика фестивале үтә. Бу фестивальдә мәктәбебезнең 8 класс укучысы Ахсанова Илүзә дә катнаша. 

8 май көнне җирлегебездә Бөек Җиңүнең 72 еллыгы уңаеннан митинг үткәрелде. Анда авылыбыздан сугышта катнашкан  ветераннарының туганнары, оныклары, тыл ветераннары, мәктәп укучылары, балалар бакчасы коллективы катнашты.  Мәктәп укучылары Үлемсез полк оештырып, авыл урамынннан үттеләр. Авыл халкының күзләрендә яшь тамчылары, сагыш, сагыну хисләре иде. Җирлек хуҗасы Гафуров А.А., Киров бүлекчәсе җитәкчесе  Гаянов И.Ф., "Касыймовский" сөт заводыннан Ганиев Р.Р., Актаныш АТХ җитәкчесе Хафизов Н.В. барлык авыл халкын бу бәйрәм белән котлады, сәламәтлек, аяз күк йөзе теләде. Бәйрәм ахырында һәйкәлгә чәчәкләр, веноклар салынды. 

30 апрель көнне Уфа шәһәрендә үткән Халыкара "Сәләтлеләр планетасы" дип исемләнгән фестиваль-конкурста мәктәбебез укучысы Сәгъбетдинова Сусанна 3 дәрәҗә лауреат булды. Җитәкчесе Заһитова Илсөя Индус кызы.

1 майдан 31 майга кадәр районыбыз буенча Чисталык айлыгы дип игълан ителде. Шул уңайдан укучыларыбыз да читтә калмый,  җирлегебезгә ярдәм итә -  юл буйларын, басуларны чистарту, мәктәп яны территориясен чүптән арындыру өмәләрендә актив катнаша.

26 апрель көнне мәктәбебездә зур чара үтте. Чараны мәктәпнең тәрбия эшләре буенча директор урынбасары, татар теле һәм әдәбияты укытучысы Н.М.Җиһангирова әзерләде. "Язлар безгә Тукай белән килә "дип исемләнгән 5-8 класслар арасында әдәби викторинаүткәрелде. Укучылар тарафыннан Тукай шигырьләре, җырлары, Татар театрына багышланган шигыр ьләр, Г.Тукайга багышланган шагыйрьләребезнең иҗатлары яттан сөйләнде. Авылыбыз китапханәчесе Энҗе Фасил кызы Г.Тукайның тормышы һәм иҗаты буенча күзәтү ясады. Чара Г.Тукайның "Туган тел" шигыре белән тәмамланды.