2017 елның 1сентябре илебездә икеләтә бәйрәм белән тәңгәл килде. Мөселманнарда Корбан гаете булса, мәктәпләрдә яңа уку елы башланды. Белем көне уңаеннан бәйрәм тантанасы үткәрелде. Мәктәбебез 104 укучы белән уку елын башлап җибәрде. Беренче класска 13  укучы кабул ителде. Бәйрәм тантанасында районыбызның мәгариф идарәсе җитәкчесе Вахитов Илшат Рафит улы, җирлек хуҗалары, СОМ оешмасы вәкилләре, балалар бакчасы коллективы, ата-аналар, ветеран укытучылар, мәктәп коллективы, укучылар катнашты.  

5 июнь көнне "Урманай" лагере укучылары авылыбызда урнашкан "Нур"мәчетенә экскурсиягә бардылар. Авылның имам хатибы Флүс хәзрәт Хуҗин, авылыбыз остабикәсе Әфүзә апа Кирамова балаларны бик җылы каршы алдылар.  Рамазан ае хакында, әдәп-әхлак, тәртип кагыйдәләре турында тирән эчтәлекле вәгазь тыңланды. Лагерь балаларының күңелләре булып, абый-апаларына рәхмәт әйтеп өйләренә таралдылар.

8 июнь көннне "Урманай"лагеренндә  егетләр-кызлар көне үткәрелде. Егетләр-кызлар үзләре белән таныштырып, һөнәрләрен күрсәттеләр. Отряд әйдәманнары әзерләгән сорауларга җавап бирделәр. Көн ахырында һәр катнашучыга бүләкләр тапшырылды. 

7 июнь көнне мәктәп яны "Урманай" лагерендә Сабантуй оештырылды. Сабантуйда милли көрәш, әйбер кисү, чүлмәк вату, капчык сугышы, капчык киеп йөгерү, йомырка кабып йөгерү һ.б. милли уеннар уйналды, концерт номерлары куелды. 

 6 июнь  көнне "Урманай" лагерендә балалар белән "День русского языка" көне уздырдык. Бик кызыксынып кроссвордлар чиштеләр, шигырь конкурслары оештырдык. Рус халык әкиятләрен кем күбрәк таба конкурсын да уздырдык. Балалар барысы да бик шат калдылар.

5 июнь көнне лагерь балалары медцина күзәтүе үтте. Буйлары, авырлыклары, чисталыклары каралды.

2 июнь көнне лагерьдә ял итүче  укучылар авылыбызның уртасында урнашкан ял паркына бардылар. Ял иттеләр, төрле уеннар уйнадылар, сәламәтлекләрен ныгыттылар.

2016-2017 уку елында барлык төр чаралар буенча 1 нче урынга чыккан класс Минзәлә шәһәренә путевка белән бүләкләнде. 29 май көнне 2,6,10 класс укучылары экскурсиягә шушы шәһәргә бардылар. Туган як музее, педагогия көллиятендә урнашкан Муса Җәлил музеенда булдылар. Көн ахырында матур хатирәләр белән туган авылга  кайттылар.   Укучылар класс җитәкчеләренә, мәктәп дирекциясенә, исән-имин йөртеп алып кайткан шофер Радик абыйларына зур рәхмәтләрен җиткерделәр.

31 май көнне мәктәп укучылары туган ягыбызның иң истәлекле урыны булган-  иске мәктәп урынына бардылар. Класс җитәкчеләре тарафыннан аның тарихы сөйләнде. Яңадан спорт ярышлары үтә торган стадионга җыелдылар. Анда спорт уеннары оештырылды.  

1 июнь көнне мәктәбебездә мәктәп яны "Урманай" лагере үз эшен башлап җибәрде.  Бу көн Балаларны яклау көне буларак барлык чаралар да шуңа багышланды. Иртәнге аштан соң укучыларыбыз асфальтка рәсем ясадылар, күңелле стартлар ярышы үтте,участок инспекторы Хәкимуллин Р. белән җәйге чордагы балалар травматизмы буенча сөйләшү үтте.