20 апрель көнне мәктәп яны, авылыбызны чистарту өмәләре узды.  Һәр укучы бу көнне үзенең хезмәтен кертте.

17 апрель көнне районыбызның нәкъ уртасында урнашкан Ял паркына сыерчык оялары урнаштыру оештырылды. Мәктәбебездән 10 класс укучысы Шәвәлиев Гаделнең оясы тәкъдим ителде.

15 апрель көнне районыбызда инглиз телендә театр кую конкурсы булды. Ул 1-8 класс укучылар арасында үтте. Мәктәбебездән Акрамова А.Ф. җитәкчелегендә театр коллективы катнашып,  номинант булдылар.

11 апрель көнне мәктәптә география укытучысы Хафизова Р.Ф. атналык уңаеннан 5 классларда ачык дәрес күрсәтте.  Дәрес бик отышлы үтте.

10 апрель көнне мәктәбебездә биология фәненнән ачык дәрес булды. Аны биология фәне укытучысы  Г.Х.Магданурова 6 класс укучылары белән күрсәтте. Дәрес укучыларга бик кызыклы, файдалы булды.

9 апрель көнне класс сәгатьләре Космонавтика көненә багышланды. Укучылар Юрий Гагарин тормышы турында кино карадылар. Сорауларына җавап таптылар. 

8-13 апрель көннәре мәктәбебездә биология-география атналыгы дип игълан ителде. Укучылар линейкасында атналыкны ачу тантанасы оештырылды. 

6 апрель көнне мәктәбебезнең кызлар командасы баскетбол ярышында район буенча 2 урынга ия булдылар. Уңышлары белән котлыйбыз!

4 апрель көнне авыл мәдәният йортында "Тамчы" балалар бакчасы балалары, аның коллективы авыл халкына "Мин бит авыл баласы" дип исемләнгән концерт тәкъдим итте. Мәктәпнең киләчәге булган бу балалар бу көнне биеде, җырлары, шигырь сөйләде. Һәр ата-ана балаларга сокланып карап утырды, алар белән ял итте.

1-3 апрель көннәрендә  мәктәбебез укучылары кошларыбызны үз куллары белән эшләнгән оялары белән куандырдылар. Һәр класстан 2шәр сыерчык оясы ясадылар алар. Сыерчыклар ояларны үз итте. Матур тавышлары белән тирә-юньгә ямь өстәделәр.