Көз - үзенең муллыгы, байлыгы белән аерылып торучы ел фасылы ул. Бакчаларда быел бигрәк барлык җиләк- җимешләр, яшелчәләр мул булды, күкрәп үсте. 7-9 сентябрь көннзре мәктәбебездә бакчадагы уңышларны җыеп алу көне итеп оештырылды. Укучылар өмәдә бик теләп катнашылар.

6 сентябрь көнне мәктәбебездә Мәрхәмәтлелек ярминкәсе  үтте. Барлык класс укучылары да актив катнашты.

Менә тагын җәйләр узып, сагынып көтеп алган 1сентябрь - Белем бәйрәме килеп җитте. Бу көнне һәрберебез дулкынланып, шатланып каршы ала: беренче тапкыр мәктәпкә баручы да, өлкән сыйныфларда укучы да, әти-әниләр дә. Быелгы уку елына  мәктәбебездә - 1сыйныфка 15 сабый укырга керә. Класс җитәкчеләре- Сәмигуллина Ф.И. Гомуми укучылар саны-103. Хәерле, имин еллар булсын. Барыгызны да бәйрәм белән!

9 Май-Җиңү көне! Шул уңайдан әзерлек максатыннан мәктәбебезнең 7-8 класс укучылары Җиңү паркын чистарту, тәртипкә китерү өмәсендә катнаштылар.

"Тамчы " балалар бакчасы коллективы балалар белән авылыбызның тыл ветераннарында булдылар. Хәлләрен белеп, бәйрәм тантанасына чакырып кайттылар.

Апрель ае- Туган тел ае! Шул уңайдан районыбызда шигырь сөйләүчеләр бәйгесе булып үтте. Мәктәбебездән Мирхайдарова Айсылу-2 урын( укытучысы- Сәмигуллина Ф.И.), Галлямов Камил- 3 урын (укытучысы-Шәйхелмәрдәнова Н.А.), Акирова Гөлнур- 3урынга ия булды.(укытучысы Җиһангирова Н.М.). Җиңүче укучыларны котлыйбыз!

29 апрель көнне мәктәптә  Балаларны саклау көне оештырылды. Актлар залында үз-үзеңне саклау буенча ТИН укытучысы Шәйхелмәрдәнов Ә.В. ачык дәрес күрсәтте. Укучылар марля повязка киделәр, беренче ярдәм күрсәтү буенча сорауларга җавап бирделәр. Спорт мәйдәнчыгында 1,5 км аралыгына йөгерү ярышы булып үтте.

24апрель көнне мәктәбебездә якташыбыз Айгөл Әхмәтгалиеваның "Ак читек" әсәре буенча китап укучылары конференциясе булып узды. Конференцияне 9 класс укучылары уздырды. Кичәдә авылыбызның ак апасы- Роза Шәйхелмәрдәнова, авыл китапханә мөдире- Энҗе Сибгатуллина, әсәрдәге Илсөяр образының прототибы, Сәфәр авылыннан Инсия апа Хаҗиевалар катнашты. Укучылар бу көнне бик сорауларга җавап таптылар, яшәү мәгънәсенә төшенделәр.

23 апрель көнне мәктәбебездә Туган тел һәм әдәбият атналыгы уңаеннан бер төркем әдәбият сөюче укучылар Актанышка Туган якны өйрәнү музеена барды. Бик күп белем, рухи канәгатьләнү алып кайтты.

22 апрель көнне районыбызда Г.Тукай иҗаты буенча шигырь сөйләүчеләр бәйгесе булып узды. Мәкҗәбебездән 5-11 класс укучылары арасында узучы бәйгедә 10 класс укучысы Акирова Гөлнур катнашты һәм 3 урынга ия булды.