26 январь көнне мәктәбебездә математика фәненнән биреп кару имтиханы булып узды. Имтиханда ата-аналар да катнашты.

24 январь көнне  мәктәбебез укучылары -Гизетдинов Илсаф, Хуҗина Азилә "Йолдызлык" бәйгесе өчен видео клип төшерү өчен Казан шәһәренә бардылар. 2019 ел- Театр елы булуын истә тотып, алар Татарстан Язучылар берлегендә, Галиаскар Камал театрында, Татарстан Милли музеенда,  китапханәсендә булдылар.

21-26 январь көннәрендә башлангыч классларның атналыгы булып үтте. Башлангыч класс укытучылары укучылары белән төрле бәйге-конкурсларда катнаштылар, укучылар рәсем ясадылар, театр уйнадылар,  кошларга җимлек әзерләп, элделәр. 

23 январь көнне Актаныш районы Пучы урта мәктәбендә укытучыларның "Ел класс җитәкчесе-2019" бәйгесе үтте.  Мәктәбебездән бу бәйгедә математика, информатика укытучысы Хабирова Ләйлә Фарис кызы катнашты. 9 класс укучылары  Ләйлә фарис кызы белән  класс сәгатендә  тәрбия өлкәсендә  актуаль тема- "Тормыш кыйммәтләре"нә  җавап таптылар, видео ролик карадылар, тормыш агачы төзеделәр. Ләйлә Фарис кызы уңышлы чыгыш ясап, сертификатка ия булды.

27-28 декабрь көннәрендә районыбызда Талантлылар Университеты дип исмләнгән уку оештырылды. Мәктәбебездән 2 укучы- Галимарданова Зилә, Сагбетдинова Розанналар катнашты. Укучылар Балалар оешмасы, Укучылар советы эшчәнлеген оештыруда  бу укуның бик тә кирәкле булуын ассызыкладылар.

27 декабрь көнне районыбызда Хакимият елкасы үтте. Мәктәбебездән 4 укучы катнашу бәхетенә иреште. "Бүләк" тә үткән бу очрашу елкасы укучыларыбыз күңелендә матур хатирәләр булып уелып калыр.

24-25 декабрь көннәрендә мәктәбебездә Яңа ел бәйрәмнәре гөрләп узды. 24 көнне- башлангыч класслар -Чыршы бәйрәмен уздырсалар, югары класслар 25 декабрь көнне Балмаскарадта булдылар. Һәркем өчен якын булган бу бәйрәм укучылар күңелендә дә матур харирәләр булып озак сакланыр.

25 декабрь көнне Казан шәһәрендә үткән  Президент елкасында  мәктәбебезнең 10 класс укучысы Ахсанова Илүзә катнашты. "Рус эстрадасыннан Юлианна Караулова белән очрашу матур хатирәләр белән уелып кала, "Әкиятнең кайтуы" дип исемләнгән тамаша да  кызыклы хисләр уятты" ди укучыбыз.

24 декабрь көнне Чаллы шәһәрендә оештырылган РИТЭК Елкасында мәктәбебездән 2 укучы- Хуҗина Азилә, Сагбетдинова Розанналар булып кайттылар. Яңа ел тамашасы карап, күчтәнәч пакетлары алып,  сөенеп кайтыр юлга чыктылар.