8 нче апрель көнне химия - биология атналыгы уңаеннан Мәгъданурова Гөлнара Хәбир кызы 7 - 8 класс укучылары арасында "Знатоки биологии" бәйгесе үткәрде. Биш җыелма команда биология буенча үзләренең белемнәрен сынадылар. 

7 нче апрель көнне район мәдәният йортында "Татар кызы", "Татар егете" бәйгеләренең финал өлеше үткәрелде. Бу бәйгедә безнең мәктәптән 8 нче класс укучысы Рашитов Илшат - 3 урын, 9 нчы класс укучысы Бикмухаметова Гүзәл - 2 урыннарны яуладылар. Аларны җиңүләре белән котлыйбыз, алда да уңышлар телибез. Афәрин!

7 нче апрель көнне 5-6 класслар арасында "Биологик ребуслар чишү" бәйгесе үткәрелде. Укучылар җиде төркемгә бүленеп ребуслар чиштеләр. Бәйгедә урыннар вакытка һәм балларга карап чыгарылды. Укучылар бик актив катнаштылар һәм биологиядән белемнәрен яңа мәгълуматлар белән баеттылар.

Бүген мәктәбебездә чираттагы ата - аналар җыелышы узды. Җыелышны мәктәп директоры Г. С. Валиева ачып җибәрде. "Ихлас" психологик үзәк психологлары Фирүзә Гимадиева, Зөһрә Хәбибуллина яшүсмерләр арасында очрый торган суицид турында сөйләделәр, фильм күрсәттеләр, тренинглар үткәрделәр. Россия эчке эшләр министрлыгының Актаныш районы буенча полиция бүлегенең балигъ булмаган балалар белән эшләүче өлкән инспектор полиция майоры Ахунова Ания Анил кызы чыгыш ясады.

Бүген безнең мәктәптә химия - биология атналыгын ачып җибәрү тантанасы булды. Атналыкның программасы белән таныштырылды.

3 нче апрель көнне районда үткәрелгән шахмат ярышында Киров мәктәбе командасы 11 еллык мәктәпләр арасында 4 урын, авыл мәктәпләре арасында 1 урынны яуладылар. Алар: Хамидуллин Илмаз (4 класс), Фардиева Алия (5 класс), Сибгатуллин Искәндәр (8 класс), Фардиев Шамиль (8 класс). Аларны уңышлары белән чын күңелдән котлыйбыз!

30-31 нче март көннәрендә  Актаныш муниципаль районы башлыгы призына татарча көрәш бәйгесе үткәрелде. Бу бәйгенә безнең мәктәптән дә укучылар катнашты. Үз авырлыкларында Бакоян Титал (6 класс) - 1 урын, Гардиев Айназ (3 класс) - 2 урын, Аглямов Илназ (8 класс) - 1 урын, Башаров Айрат (9 класс) - 3 урыннарны яуладылар. Команда урта мәктәпләр арасында - 5 урынга, авыл мәктәпләре арасында - 2 урынга лаек булды. Афәрин, егетләр!

30 нчы март көнне 1 нче Актаныш мәктәбе базасында район башлангыч класс укытучылары киңәшмәсе уздырылды. Бу киңәшмәдә безнең мәктәптән 3 нче класс җитәкчесе Гиздуллина А. Ф. катнашты. 

30 нчы март көнне аерым фәннәрне тирәнтен үзләштерүче 2 нче Актаныш мәктәбе базасында мәктәп директорлары һәм тәрбия эшләре буенча директор урынбасарларының "Профилактика наркомании и ПАВ в образовательных организациях района" темасына ведомствоара семинары үтте. Әлеге семинарда безнең мәктәп директоры Г. С. Валиева, тәрбия эшләре буенча директор урынбасары Г. Н. Якиева да катнаштылар.

26 нчы март көнне Яр Чаллы шәһәрендә узган "Моң чишмәсе" татар сәнгатенең ачык регионара фестиваль - бәйгесенең "Халык уен кораллары" ("Баян" номинациясендә) Актаныш сәнгать мәктәбе Киров филиалының 2 нче сыйныф укучысы Илсаф Гизетдинов 3 нче дәрәҗә дипломга лаек булды. (җитәкчесе Илсия Заһитова)