“ТР БКИ” 2015 елга план-графигы нигезендә, ТР Фән һәм мәгариф министрлыгы заданиесен үтәү өчен, 5-6 май көннәрендә Әгерҗе шәһәренең Таҗҗи Гыйззәт исемендәге 3 нче санлы урта мәктәбендә төп гомуми белем бирү программасы өстендә эшләгән  укытучылар өчен зона семинары булып узды. Бу семинарда Киров урта мәктәбеннән 3 педагог катнашты. Тарих укытучысы Галиева Р.Ә., инглиз теле укытучысы Солтанова А.Н., математика укытучысы Имамова Р.Х.

  2014-2015 уку елында IХ сыйныф укучыларының барысы өчен дә дәүләт йомгаклау аттестациясе кысаларында татар теленнән бердәм республика тесты үткәреләчәк.  5 май Киров урта мәктәбенең 9 нчы сыйныф укучылары белемнәрен сынап карау өчен татар теленнән бердәм дәүләт тестын эшләп карадылар. Тест эше 150 минут вакытны алды. 

5нче май көнне Пучы мәдәният йортында шагыйрь - Нур Баян фестивале үтте. Бу конкурста 7нче класс укучысы Сибгатуллина Алисә 3 урынга лаек булды. 9 класс укучысы Бикмухаметова Гүзәл, 6 класс укучылары Бикмухаметова Лилия, Ахсанова Илүзә, Шәкурова Голназ катнашучы дипломы белән бүләкләнделәр. Җитәкчеләре татар теле һәи әдәбияты укытучысы Рәшитова И.С. Уңышларыгыз белән котлыйбыз!

     Яз көне умарталар өчен урын әзерлиләр, аларны кышлау өеннән алып чыгалар, кышлау өеннән чыгарылган һәм иректә кышлаган умарта кортларының тирәләп очуларын күзәтәләр, умарталарын өстән-өстән генә булса да карап-тикшереп чыгалар. Сәламәтләндерү һәм профилактика эшләрен башкаралар. 30 апрель көнне Киров урта мәктәбендәге бал кортларын җәйгә әзерләделәр. Яңа умарталарны буяп, кортларны шуларга күчерделәр. Иске умарталарны юып, чистартып куйдылар. Кортларга ашарга бирделәр.

30 нчы апрель көнне ОБЖ фәненнән ачык дәрес үтте. 1-4 класс укучылары янгын сүндерү чаралары белән таныштылар, видеоролик карадылар. 5-8 класс укучылары арасында викторина уздырылды. 9-11 классларда “Хәрби хезмәткә әзерлек” темасына ачык дәрес үткәрелде.  Соңыннан барлык мәктәп укучылары арасында эстафета үткәрелде.

30 нче апрель көнне  дәресләрдән соң Киров урта мәктәбе  укучылары көче белән Киров авыл җирлегенә караган юл читләре чүп-чардан, агач ботакларыннан арындырылды. Юл буйларындагы агач кәүсәләре агартылды. Укучылар һәм укытучылар бик тырышып эшләделәр.

28 нче апрель көнне Казан шәһәренең Совет районы "20 нче гимназия"сендә үткән 7 нче класс укучысы Сибгатуллина Алисә "Алиш эзләреннән" I төбәкара фәнни - гамәли конференциясенең "Шигърият бакчасында " секциясендә 2 урын алды. "Алиш эзләреннән" дигән җыентыкта "Көз", "Яңа ел кары" , "Газаплы еллар" дигән шигырьләре басылды. 9 нчы класс укучысы Бикмухаметова Гүзәл Сертификатка ия бүлды. Җыентыкта "Безнең теләкләр", "Әбиемнең киңәшләре" дигән шигырьләре басылды. Җитәкчеләре: татар теле һәм әдәбияты укытучысы Рәшитова Илүсә Сәлимҗан кызы.

В нашей школе прошёл конкурс чтецов "Спасибо деду за Победу". Надеемся, что стихи русских поэтов, прозвучавшие сегодня в исполнении учащихся 5 - 9 классов оставят в душе каждого светлые и радостные чувства.

28 нче апрель көнне 1 - 11 класс укучылары мәктәп территориясен җыештырдылар. 

28 нче апрель көнне авылыбыз китапханәсендә "Күңелләрдә яши яшь Тукай" дигән эдәби чара узды. Китапханәче Энҗе Фасиловна укучыларны Г. Тукайның  тормыш юлы белән таныштырды, тестлар эшләтте. Бу чарадан укучылар үзләренә бик күп кызыклы мәгълүмат алдылар.