Бүген 8  укучы һәм 4 укытучы Байсарга турслетка киттеләр. Аларга уңышлар телибез.

Николай Орловның кызы, Любовь Орлова белән 6 класс укучысы Бикмухаметова Лилия һәм 9 класс укучысы Бикмухаметова Гүзәлләр очрашуда булып кайттылар. Алар Николай Орловның күрсәткән батырлыклары турында мәгълүмат җыйдылар.

Бүген биология укытучысы Мәгъдәнурова Гөлнара Хәбир кызы "Единый экологический урок"  акциясе нигезендә 5, 6 класс укучыларына Экологический серпантин кызыклы викторинасы уздырды. 

Бүген 9 класс укучылары Актаныш мәктәбенәдә узачак татар теленнән бердәм дәүләт тесты бирергә киттеләр. Укучыларга уңышлар телибез. 

Бүген 10 укучы һәм 3 укытучы җитәкчелегендә велопоходчылар исән-имин  әйләнеп кайттылар. Алар юкка чыккан авылларны барладылар. Байсар, Яхшый, Олыймән, Киров авылларындагы ветераннар белән очрашып кайттылар. Авылларда урнаштырылган һәйкәлләргә экскурсия ясадылар.

Бүген Киров балалар бакчасы, Киров урта мәктәбе, Олыимән башлангыч мәктәбе һәм Олыимән балалар бакчасы коллективы ГТО нормасы тапшырдылар. 500 граммлы граната ату, 10 метрдан ату, 60 метрга йөгерү, 2 километрга йөгерү буенча спорт ярышлары уздырылды. Укытучылар, тәрбиячеләр, техник хезмәткәрләр бик актив катнаштылар. 

Бүген мәктәп укучылары 3 укытучы җитәкчелегендә Киров-Алма-Ата-Олыймән-Бишкүмәч-Тәкмәк-Югары Яхшый-Табанлыкүл-Чуракай-Иске Байсар-Сәфәр маршруты буенча велопоходка киттеләр. 13 кешедән  торган велосипедчылар группасы юкка чыккан авылларны барлап, сугыш һәм тыл ветераннары белән очрашулар оештырачаклар. Аларга уңышлар телибез.

Бүген Киров мәдәният йорты каршында урнашкан һәйкәл янында җиңүнең 70 еллыгына багышланган митинг узды. Яңа һәйкәл ачылды, тасманы авылыбызның бердән-бер ветераны Бәтиев Флүн Бәхти улы, Актаныш районы башкарма комитетының социаль мәсьәләләр буенча урынбасары Шәмсунова Ландыш Җәүдәт кызы һәм авылыбызның җирле үзидарә советы рәисе Гафуров Айваз Әбсогот улы кистеләр. Сугыш  һәм тыл ветераннарына балалар бакчасында тәрбияләнүче  балалар һәм мәктәп укучылары концерт куйдылар. Авыл яшьләре һәм мәктәп укучылары сәхнәләштергән сугыш эпизодын күрсәттеләр. Авылыбыздан сугыш кырында ятып калган авылдашларны 1 минут тынлык белән искә алдылар.

Киров урта мәктәбендә гадәти кыңгырау тавышы урынына тәнәфескә звонок биргәндә, танылган патриотик җырлар яңгыратыла. Бу җырлар: “Катюша” М.Блантер, М.Исаковский, “День Победы” Д.Тухманов, В.Харитонов, “Три танкиста” Д. Покрассов, Б.Ласкин, “Прощание Славянки” В.Агапкин, В.Лазарев, “Смуглянка” А.Новиков, Я.Шведов, “Синий  платочек” Г.Гольц, Е.Штестбургский, Я.Галицкий, М.Максимов.

    Әлеге җырларны волонтёры70.рф/audio ссылкасы аша алдык.