Бөтенроссия “Ел укытучысы - 2022” муниципаль һәм зона этапларында җиңүче, Бөтенроссия “Ел укытучысы” бәйгесенең республика этабында “Иң камил сүз остасы” номинациясе җиңүчесе, республика “Алгарыш” гранты җиңүчесе, хезмәттәшебез - сәләтле балалар өчен гуманитар гимназия-интернатның инглиз теле укытучысы Ганиева Фәйрүзә Филарис кызы (Хәзерге вакытта Фәйрүзә Филарисовна “Алгарыш” гранты буенча Төркиядә стажировка үтә) “Ел укытучысы – 2022” бәйгесенең кубогы белән бүләкләнде.

Бөтенроссия “Ел укытучысы” бәйгесенең “Педагогик дебют” номинациясендә муниципаль, зона этаплары җиңүчесе, республика этабында катнашучы хезмәттәшебез - сәләтле балалар өчен гуманитар гимназия-интернатының география укытучысы Мусина Рузилә Айдар кызы Актаныш район башлыгының Рәхмәт хаты белән бүләкләнде.

Республика “Алгарыш” гранты җиңүчесе, хезмәттәшебез - сәләтле балалар өчен гуманитар гимназия-интернатының тарих һәм җәмгыять белеме укытучысы Хасанов Рамис Илгиз улы Актаныш районы башлыгының Рәхмәт хаты белән бүләкләнде.

Хезмәттәшебез - сәләтле балалар өчен гуманитар гимназия-интернатының башлангыч сыйныф укытучысы Муллаярова Сөмәя Тәлгать кызы Татарстан Республикасының “Мәгарифтәге казанышлары өчен” күкрәк билгесе белән бүләкләнде.

6Г сыйныфы укучылары да гимназиябездә эшләп килүче "Сәләт" мәйданчыгына кушылды.

Гимназиябезнең “Тормыш иминлеге нигезләре” дәресләрен алып баручы Ришат Тимершәех улы Сибгатуллин 8Б сыйныфы укучылары белән бүген ачык дәрес уздырды. Гражданнар оборонасы буенча узган әлеге дәрестә имин тормышта килеп туган гадәттән тыш хәлләр вакытында үз-үзеңне тоту, саклану кагыйдәләре өйрәнелде.

Сөенче, яшь дусларыбыз! Гимназиябездә "Сәләт" яшьләр үзәгенең үз мәйданчыгы - "Сәләт-Ялкын" клубы эшли башлады.

6г сыйныфы укучылары, Өлкәннәр ункөнлеге уңаеннан, Пучы ветераннар йортында тәрбияләнүче өлкәннәргә бүләкләр әзерләделәр.

Укытучылар көне уңаеннан, гимназиябездә Коръән ашы узды. Бүгенге көн вәзгыятьтә Нур хәзрәт Хөсәенов вәгазе уйландырды да, күңелләрне дә нечкәртте, мөгаллимлек хезмәтенең җаваплылыгын да, саваплы эш булуын да ассызыклады.

Гимназиябездә "Сәләт" яшьләр үзәгенең үз мәйданчыгы - "Сәләт-Ялкын" клубы эшли башлады."Сәләт" клубының XIII Президенты Данис Зөлфәт улы Мөхәммәтҗанов һәм "Сәләт-Адымнар" сыйныфлары проекты җитәкчесе Айнур Рәшид улы Җәмалетдинов гимназиябездә булып, укучыларыбыз белән аралашты, гимназиядә эшләп килүче проектлар, укыту, тәрбия эшчәнлеге белән танышты бүген.
Эшлекле аралашуда уртак максатлар билгеләнде. "Сәләт" клубының Президенты Данис Зөлфәт улы Мөхәммәтҗанов һәм гимназиябез директоры Венера Хәмәтнәсыйх кызы Хәева-Хәмәтҗанова, "Сәләт-Ялкын" клубының 2022-2023 нче уку елына эш планын раслап, үзара килешүгә кул куйдылар.