18-19 февраль көннәрендә гимназиябездә
Татарстан Республикасы Мәгариф һәм фән министрлыгының өстәмә һөнәри белем бирүне үстерү бүлеге җитәкчесе
Шәяхматова Роза Искәндәр кызы җитәкчелегендә, Актаныш, Әгерҗе, Мөслим һәм Сарман районнары мәгариф идарәсенең мәгълүмати-методика бүлекләре җитәкчеләренең һәм методистларының семинар-киңәшмәсе узды.
Укучыларның
гимназиябезнең брендына әйләнеп баручы иҗади-шәхси проект эшләре үрнәк методик күргәзмә буларак тәкъдим ителде.
Укучыларның һәм укытучыларның, сыйныфларның, профильле уку сыйныфларының, ата-ана һәм укучының проект эшләре республика югарылыгында яңа ачышлар буларак бәяләнде.

ХӘРБИ-ПАТРИОТИК АЙЛЫК:15 февраль – Әфганчылар көне!Гимназиябез укучылары район мәдәният йортында узган район чарасында катнашып, әфган сугышында катнашкан сугышчы-интернационалистлар белән очрашты.

Гимназиябездән директорның укыту эшләре буенча урынбасары Рәйхан Флүс кызы Галимҗанова, инглиз теле укытучылары Сания Мөдәрис кызы Гыймранова, Фәйрүзә Филарис кызы Ганиева, Румия Данис кызы Темел, Рузилә Айдар кызы Мусина «Адымнар - Казан» полилингваль белем бирү комплексында узучы "Полилингваль белем бирү шартларында укытуның интерактив ысуллары һәм алымнары ярдәмендә функциональ грамоталылык формалаштыру" төбәкара семинарында катнаша бүген.

Инглиз теле атналыгы кысаларында, бездә практика узучы - НДПУның 5 курс студенты Фәрдиева Алисә Нәзим кызы 8Б сыйныфында «Һөнәрләр» темасына дәрестән тыш ачык дәрес үткәрә.

Гимназиябезнең 9 сыйныф укучылары бүген – 12 февраль көнне рус теле буенча йомгаклау әңгәмәсе уза, һәм ул төп дәүләт имтиханына керү мөмкинлеге булып тора.
Имтихан 4 этапны үз эченә ала: текстны уку һәм сөйләп чыгу, монолог, диалог.

Гимназиябезнең 6Б сыйныф укучылары "Тату сыйныф серләре" республикакүләм конкурсының район этабында катнашып, 2 урын яуладылар!Алар “Безнең күңелле тату сыйныф” визит карточкасы, проект эше этапларында гимназиябез данын якладылар.
Югары дәрәҗәдә әзерләнгән оригиналь чыгышлар тәкъдим иттеләр!
Хөрмәтле укучылар, Гүзәл Фәритовна һәм әти- әниләр! Сезне чын күңелдән зур җиңүегез белән котлыйбыз!

"Иң яхшы әйдәман" республика конкурсының муниципаль этабында катнашып, гимназиябезнең 9А сыйныф укучысы Шакирова Резеда җиңү яулады.
Афәрин, Резеда!

Татарстан Республикасының кулланучылар хокукларын яклау һәм кеше иминлеген саклау өлкәсендә күзәтчелек хезмәтенең Яр Чаллы шәһәре буенча Актаныш районындагы җитәкче урынбасары Луиза Мәхиян кызы Хафизова бүген гимназиябездәге туклану торышы, ашханәдә балалар туклануы өчен тудырылган шартлар, продуктлар сакланышы, аш-су әзерләү барышы, меню төрләнеше, санитар кагыйдәләрнең үтәлеше белән танышты.

Гимназиябездә "Йолдызлык" фестиваленең район турына сайлап алу узды. Мөхтәрәм жюри алдында 60 номер белән имтихан тоттык.
Ике сәгатьтән арткан, һәр чыгыш бер-берсен тулыландырып барган сынау-концертыбыз, балаларның сәләтләренә сокланып һәм хозурланып карап, сизелми дә узып китте. Гимназиябез директоры Венера Хәмәтнәсыйх кызы Хәева-Хәмәтҗанова һәр чыгышны үзе карап, балаларны җиңүгә рухландырып, көч биреп торды.
Гимназиябезнең һәр сыйныфы актив катнашты. Нәфис сүз, конферанс, җыр, бию, вокал һәм инструменталь ансамбльләр чыгышлары соклангыч булды.
“Йолдызлык” фестивалендә гимназиябездә узган “Зур биюләр”, “Хорлар бәйгесе” конкурслары җиңүчеләре дә сәхнә тотты.
“Ак нур”, “Хәзинә” җыр һәм бию ансабльләре җитәкчеләре Миләүшә Робсон кызы Солтанова, Әлфинә Фердинас кызы Фәйзуллина һәр яшь төркемендә яңа чыгышлар әзерләгән иде.
Сәхнә костюмнары әзерләүдә, тектерүдә әти-әниләребез, һәрвакыттагыча, гаҗәпләндерде дә, сокландырды да. Берсеннән-берсе матурлар! Рәхмәт сезгә!