I - VII класс укучылар тарафыннан укытучыларның һөнәри бәйрәмнәренә багышланган чыгышлары тыңланды. Җырлар белән бәйрәм кичәсе үрелеп барды. Чәчәк бәйләмнәре белән хөрмәт хисләрен җиткерделәр.

Өлкәннәр хөрмәтенә мәктәбебездә бәйрәм тантанасы уздырылды. Укучылар концерт номерлары белән чыгыш ясадылар.

    30 нчы сентябрь көнне район үзәгендә оештырылган ярминкәдә катнаштык. Мәктәп бакчасында үстерелгән яшелчәләр һәм кайнатмалар сату уңышлы узды. 

  28 сентябрь көнне Актаныш районында физик культура һәм спорт хезмәткәрләренең традицион конференциясе үтте. Анда мәктәбебезнең физкультура укытучысы М.Ф.Гыйльметдинов катнашты.

    Һөнәр сайлауга әзерлек максатыннан район үзәгендә Казан ветеринария һәм авыл хуҗалыгы университеты җитәкчеләре белән Э.Н. Фаттахов катнашында очрашу булып узды. Безнең 9 нчы класс укучылары да үзләре өчен уку йорты турында күп белешмәләр алып кайттылар. 

    “Иң яхшы китапханә -2018” республика конкурсының район этабында катнашу өчен, папка тапшырылды. Китапханәчебез Ә.Р.Исрафиловага уңышлар телибез.