Ата-аналар һәм мәктәп белән берлектә оештырылган республикакүләм “Дус сыйныф серләре” конкурсының район этабы булып узды. Мәктәбебезнең   5 нче классы коллективы класс җитәкчесе һәм әти-әниләре белән берлектә бу бәйгедә уңышлы чыгыш ясадылар.

      20 ноябрь көнне   Байсар мәктәбе базасында  5-6 нчы класс укучылары арасында мәсьәләләр чишү буенча район конкурсы - "Математик карусель" ярышы оештырылды.  Анда   5-6 класс укучыларыннан  төзелгән команда составында А.А.Хәбирова, К.И.Әхмәтхуҗин, Р.Р.Зарипов  катнашты. Укытучылары: Э.Х.Садыйкова.

    19 нчы ноябрьдә I Халыкара "Җәлил укулары"дигән әдәби конкурсның муниципаль этабы булды. Бу бәйгедә мәктәбебездән Муса Җәлилнең “Кызыл ромашка” шигырен инглиз телендә сөйләп, мәктәбебенең IX класс укучысы Диана Роберт кызы Акбулатова  II  урынга лаек булды. Котлыйбыз!!! Укытучысы: Артур Искәндәр улы Габдуллин.

    17 ноябрь көнне “Актаныш” спорт үзәгендә Илфат Әнвәров истәлегенә көрәш бәйгесе быел дүртенче тапкыр уздырылды. Һәр елны батырның туган көнендә – 18 ноябрьдә үткәрү традициясе дә барлыкка килде.  Безнең мәктәп  командасы әлеге бәйгедә уңышлы катнашып кайтты. 

   Казан федераль университетында уздырылган “Аяз Гыйләҗев һәм аның бөтендөнья һәм Ватан мәдәниятендә мирасы” Халыкара фәнни-гамәли конференциясендә мәктәбебезнең укытучылары һәм укучылары  катнаштылар. Доклад белән уңышлы чыгыш ясаганнары өчен, Р.С.Галимҗанова, Ә.Р.Исрафилова (укытучылар), М.А.Фазлыева, С.С.Шакиров (IX класс укучылары) сертификат белән бүләкләнделәр. Җиңүләре белән котлыйбыз. 

       Атна дәвамында мәктәбебездә район күләмендә узачак “Тату сыйныф серләре”бәйгесенә  ата-аналар белән берлектә әзерлек эшләре алып барыла. Бәйге                        22 ноябрь көнне район Мәдәният йортында уздырылачак. Аларның бу бәйгедә җиңеп кайтуларын телибез! Сыйныф җитәкчесе – Артур Искәндәр улы Габдуллин.

Информатика укытучысы Гөлназ Сәгыйрь кызы Варина Башлангыч класс укучылары белән очрашты. Интернетның файдасы һәм зыяны турында аңлатты. Укучылар әңгәмәдә дә катнаштылар.