Буген 1 сентябрь - Белем бәйрәменә багышланган тантаналы линейка узды. Укучыларны "Наратлы" хуҗалыгы директоры Мусабиров А.Ф., авыл җирлеге башлыгы Ахметов К.С., мәктәп директоры Ахметова Г.Р.  бәйрәм белән котладылар.

    Хөрмәтле Әлфия Рафаил кызы Исрафилова! Сезне юбилеегыз белән чын күңелдән котлыйбыз, ныклы сәламәтлек, бәхетле картлык телибез. Ата-аналар, балаларыбыз күңелендә дә гадел, гади, кешелекле, кече күңелле, намуслы, ихтирамга, хөрмәткә лаек мөгаллимә булып калырсыз. Барысы өчен дә зур рәхмәт Сезгә!

    Мәктәбебезнең биология, география  укытучысы А.Т. Рәхимова  “Повышение эффективности и качества знаний учащихся   в условиях реализации федерального государственного образовательного стандарта  (ФГОС)” темасына чыгыш ясады.

     2 нче санлы Актаныш урта мәктәбендә уздырылган класс җитәкчеләре семинарында башлангыч класс җитәкчесе Ч.Р.Шәвәлиева "Укучыларга патриотик тәрбия бирү" темасына чыгыш ясады. Мәгариф хезмәткәрләренә авыр һәм җаваплы эшләрендә аларга уңышлар телик.

        Мәктәбебездә 6 нчы август көнне районның туган тел һәм әдәбияты укытучыларының “Милли мәгариф: бүгенгесе һәм киләчәге. Сыйфатлы белем һәм милли тәрбия бирү” темасына секция киңәшмәсе уздырылды. Методик темаларга тирән эчтәлекле докладлар тыңлап, мастер-класс караганнан соң, юбилерларны котлау үткәрелде. Татар теле һәм әдәбияты укытучысы Ә.Р.Исрафилованың иҗат күргәзмәсе белән танышу уздырылды. Район мәгариф бүлеге методисты Л.Ш.Рәвефова һәм РМБ җитәкчесе И.Р. Фәтхелова, укытучыларның чыгышлары һәм котлаулары һәм бию карау белән киңәшмә тәмамланды.

   Асфальтка рәсем ясауда һәр бала үз тырышлыгын куйды. Җиңүчеләр билгеләнде.

   Мәктәп яны лагере эшли башлады. 1 нче июнь  көнне "Балалар Сабан туе" да уздырылды. Бәйрәм өчен ярдәм күрсәткән Алмаз абый Мосабировка һәм уздырган Илсөяр апа Таҗиевага рәхмәтебезне белдерәбез. Һәр көн аерым темага багышланган лагеребызга укучылар теләп йөриләр. 

    Бүген мәктәбебездә Сабантуй бәйрәме булып узды. Капчык сугышы, капчык киеп йөгерү, аркан тартышу, йөгерү, турникта тартылу ярышларында һәр укучы теләп катнашты. Укытучыларыбыз да ярышларда катнаштылар. Бәйрәм тамашасы футбол уйнау һәм җиңүчеләрне бүләкләү белән тәмамланды.

  9 нчы класс укучыларының имтиханнары башланды. Аларның бу сынауларны уңышлы тапшыруларын телибез. 

    Мәктәбебездә "Соңгы кыңгырау" бәйрәме узды. Укучыларның чыгышы килгән кунаклар һәм әти-әниләр, укытучыларның котлавы, җыр, биюләр белән аралашып барды.    9 нчы класс укучыларының имтиханнарын уңышлы тапшыруларын һәм укуларын дәвам итүләрен телибез.