“Көмеш кыңгырау” газетасындагы бер әсәрне уку һәм аны дәвам итеп язу иҗади бәйгесе уздырылды. VII класс укучылары А.М.Манихова һәм Р.Ф.Басыйров җиңүгә ирештеләр. Аларга киләчәктә дә уңышлар телибез!

    I класс укучылары белән мәктәп китапханәсенә экскурсия оештырылды. Яңа китаплар белән танышу барышында, өйрәнгән хәрефләрен тануда үзара көч сынаштылар. Барысы да яхшы белүләрен исбатладылар. 

    Республикакүләм “Гадел яшәргә кирәк!” иҗади эшләр бәйгесенең район этабында катнашып, мәктәбебезнең  VII класс укучысы А.М.Манихова I урынга лаек булды. Җиңүе белән котлыйбыз! Киләчәктә дә уңышлар юлдаш булсын иде.  Җитәкчесе: Ә.Р.Исрафилова.

      “Мәктәп китапханәләре” айлыгы дәвам итә.  V – IX класс укучылары өчен “Интеллектуаль уен” бәйгесе уздырылды. Д.Р.Акбулатова һәм Д.Р.Резванова җиңеүгә ирештеләр. Киләчәктә дә уңышлар телибез. Бәйгене уздыручы укытучы-китапханәче Ә.Р.Исрафилова. 

    Мәктәбебездә “Туган авылым – яшәү бишегем” кичәсе уздырылды. Авыларыбыз тарихы, күренекле кешеләре, алдынгы укучылары белән танышу туган авылга багышланган җырлар тыңлау белән үрелеп барды. Кичәне оештыручы укытучы-китапханәчебез Ә.Р.Исрафиловага рәхмәтебезне белдерәбез.

Укучыларның дәреслекләр тотылышы тикшерелде. Чисталыгы, тышланышына күзәтү ясалды.

    17 нче октябрь көнне ата-аналар җыелышы уздырылды. Рус теле һәм әдәбияты укытучысы Р.С.Галимҗанова “Балаларда әхлакый сыйфатлар тәрбияләү” темасына методик доклад укыды. Алда торган бурычлар, чыгарылыш класс укучыларының кайсы фәннәрдән имтихан сайлаулары белән таныштырылды. Җыелыш классларда сөйләшү белән дәвам итте.