Бүген 9 нчы класс укучылары Такталачык мәктәбендә рус теленнән БДИда сөйләм теленә әзерлек буенча мәгариф бүлеге методистлары белән әңгәмә үтәләр.Сезгә уңышлар телибез.

     Егетләрне Хәрби Көчләрдә хезмәткә әзерләү максатыннан 11 гыйнварда пневматик винтовкадан ату буенча  Советлар Союзы Герое Хәсән Заманов исемендәге кадет интернат-мәктәбендә уздырылган «Меткий юнармеец» район ярышларында катнашып, мәктәбебезнең IX класс укучылары: Фирзәр Дилфас улы Гәрәев, Сирин Вилдан улы Имамов III урын алдылар. Җиңүләре белән котлыйбыз һәм киләчәктә дә уңышлар телибез! Укытучылары: Марат Флүс улы Гыйльметдинов.

     7; 8; 9 нчы класс укучылары «Боз сарае»на бардылар. Шул рәвешле сәламәтлекләрен ныгытуда тагын бер адым ясадылар. Класс җитәкчеләре Ә.Р.Исрафилова аларга күңелле ял бүләк итте. 

    7; 8; 9 нчы класс укучылары “Боз шәһәрчеге”нә сәяхәт ясадылар.  Класс җитәкчеләре Ә.Р.Исрафиловага рәхмәтләрен белдерделәр.

11 нче гыйнвар көнне кадетлар мәктәбендә пневматик мылтыктан ату буенча егетләр арасында "Меткий юноареец" ярышы үтте. анда 9 нчы класс егетләре - Ф.Д.Гәрәев, С.В.Имамов катнаштылар.

Педагогик киңәшмәдә методик темага чыгыш тыңланды. Чирек һәм язма эш, олимпиада нәтиҗәләренә анализ ясалды.

 Мәктәбебез укучылары макулатура җыеп тапшыруда актив катнаштылар. Изге эш дәвамлы булыр дип ышанып калабыз.

    Бүген Кыш бабай призына мәгариф хезмәткәрләренең ярышлары уза.  Чаңгы, йөзү, бадминтон, теннис төрләре буенча ярышларда катнашучыларга уңышлар телибез!

  Мәктәбебез директоры Г.Р.Әхметованы 50 яшьлек юбилее белән котлыйбыз! Гаилә бәхете, сәламәтлек, күңел тынычлыгы, эшегездә зур уңышлар телибез. Туар таңнарыгыз ак кар шикелле якты, киләчәгегез өметле булсын.

30 нчы декабрь көнне Актанышта ярминкә узды. Ярминкәдә мәктәп коллективы да катнашты.