Язның беренче бәйрәме белән, гүзәл затларыбыз. Сезгә бары тик шатлыклар, сәламәтлек, уңышлар юлдаш булсын. Һәрвакыт сөйкемле, кадерле хатын-кыз булып калыгыз.

    Язның беренче бәйрәменә багышланган "Ягез, әниләр һәм кызлар!" кичәсе уздырылды. 7 нче, 8 нче, 9 нчы класс укучыларының кызлары һәм әниләр үзара көч сынаштылар. Үзара ярышта, көчләр тигез булып, 2 команда да җиңүгә иреште. Бәйрәмне оештыручы һәм уздыручы - класс җитәкчеләре - Ә.Р.Исрафилова. 

Район күләмендә уздырылган "Татар кызы" бәйгесендә мәктәбебезнең 8 нче класс укучысы Д.Р.Резванова катнашты һәм Лауреат исеменә лаек булды. Диплом һәм кыйммәтле бүләккә ия Диананы котлыйбыз һәм киләчәктә дә уңышлар телибез!

 Мәктәбебезнең гүзәл затларын тәбрикләү уздырылды. Бәйрәм табын янында күңелле әңгәмә, төрле уен һәм җыр-биюләр белән үрелеп барды. оештыручы укытучыларыбызга рәхмәт хисләребезне белдерәбез.

 5 нче март көнне Чуракай ТГББМдә районның татар теле һәм әдәбияты укытучылары семинары уздырылды. Анда укытучыбыз Ә.Р.Исрафилова катнашты. 

"Йолдызлык - 2019" фестиваленың гала-концертында мәктәбебезнең конферанслары - Э.И.Вәлиева һәм Р.Р.Зарипов Җиңүче Дипломы һәм кыйммәтле бүләккә ия булдылар. Киләчәктә дә уңышлар юлдаш булсын иде. 

"Йолдызлык - 2019"  конкурсының гала-концерты узды. Мәктәбебезнең укучысы К.И.Исаева ялгыз җыр номинациясендә уңышлы чыгыш ясады һәм Диплом белән бүләкләнде. Киләчәктә дә уңышлар юлдаш булсын иде. 

2 нче март Татарстанның халык язучысы, Татарстанның Г.Тукай исемендәге Дәүләт бүләге иясе Ә.Еникинең тууына 110 ел. Мәктәптә язучы иҗатына багышланган викторина уздырылды. Җиңүчеләргә Мактау грамоталары тапшырылды.

 28 нче февраль көнне Качкын ТГББМдә район китапханәчеләренең "ФГОС кысыларында мәктәп китапханәсенең дәрестән тыш эшчәнлеге" темасына семинар узды. Мәктәбебезнең китапханәчесе - Ә.Р.Исрафилова катнашты.

28 нче февраль көнне район күләмендә уздырылган рус теле олимпиадасы уздырылды. 4 нче сыйныф укучысы - С.Х.Камалетдинов үзенең көчен сынап кайтты.