Бүген, 16 февраль көнне, сәләтле балалар өчен гуманитар гимназия-интернаты базасында "Без яшь, без сәләтле" дип исемләнгән интеллектуаль олимпиада узды. 4 нче сыйныф укучылары - З.Д.Гәрәев, Н.Ш.Булатов, С.Х.Камалетдинов уңышлы чыгыш ясадылар һәм Диплом белән бүләкләнделәр. Укытучысы-Ч.Р.Шәвәлиева. Киләчәктә дә уңышлар телибез.

      Бүген мәктәбебездә совет гаскәрләрен Әфганстаннан чыгарган көн хәтер көне буларак билгеләп үтелде. Укытучыларыбыз – М.Ф.Гыйльметдинов һәм А.И.Габдуллин укучыларны тирән мәгълүмат белән таныштырдылар. Укучыларның актив катнашуы белән чара дәвам итте.

Патриотик айлык кысаларында мәктәптә укучылар арасында чаңгы ярышы уздырылды. Призлы урын алучыларга "Мактау грамота"лары тапшырылды.

Хәрби-патриотик айлык планы нигезендә мәктәптә күп төрле спорт ярышлары уздырыла. Укучылар кул көрәшендә бик теләп катнаштылар.

Патриот шагыйрь Муса Җәлилнең тууына 113 ел тулу уңаеннан авыл китапханәсе белән берлектә кызыклы чара уздырылды. Укучылар шагыйрьнең тормыш юлы, иҗаты белән таныштылар, викторина сорауларына җавап бирделәр.

    Бүген  мәктәп күләмендә "Лыжня России" чарасы үткәрелде. 1дәрестән соң барлык класс укучылары чаңгы ярышында катнашты. Төрле категория буенча 4әр укучыга старт бирелде.Соңыннан укытучылар старт алды. Җиңүчеләрне бүләкләүне җирле үзидарә рәисе Әхметов Камил Сабирҗан улы үз өстенә алды. Чараны физкультура укытучысы Гыйльметдинов Марат Флүс улы оештырды. Бәйрәм күңелле үтте. Алдынгыларга “Мактау грамота”лары тапшырылды.

 Такталачык авыл клубында мәктәбебез укучылары смотр концерты куйдылар. Сайлап алу турына үткән номерлары белән тагын да җиңүләрен телибез.

     5 нче февраль көнне Чалманарат авыл җирлегендә узган җыен кысаларында район  җитәкчелеге  мәктәп тормышы,  эшчәнлеге белән танышты, актуаль мәсьәләләр буенча фикер алышты. 

 Җирлек җыены көнне мәктәбебез укучылары авыл халкы һәм килгән кунаклар хөрмәтенә концерт куйдылар. Аларның чыгышы җылы кабул ителде.

   Авыл җирлегенең еллык эшкә йомгак ясау җыелышында мәктәбебезнең татар теле һәм әдәбияты укытучысы Ә.Р.Исрафилова, хезмәттә ирешкән уңышлары өчен, Мактау грамотасы белән бүләкләнде. Фән олимпиадалары һәм район, республика конкурсларында укучыларының һәм үзенең алган призлы урыннарын бәяләгән өчен, җирлек башлыгы К.С.Әхметовка рәхмәтебезне белдерәбез.