Бүген – 21 нче февраль. Һәр милләт, һәр халык өчен бәйрәм көн - Халыкара туган тел көне. Укучылар тарафыннан   туган тел турында бик күп  шигырьләр сөйләнде, кичәбез концерт номерлары белән үрелеп барды. Бәйрәм бик күңелле һәм эчтәлекле булды.

   Мәктәбебездә “Ягез әле әтиләр, егетләр!” кичәсе уздырылды. Бәйрәм ярышлар, укучыларның концерт номерлары белән үрелеп барды. Катнашучы һәркемгә һәм укуытучыбыз М.Ф.Гыйльметдиновка рәхмәтебезне белдерәбез.

     Хәрби-патриотик тәрбияне камилләштерү, сәламәт яшәү рәвешен пропагандалау һәм хәрби-гамәли спорт төрләрен популярлаштыру максатыннан, оборона-массакүләм эш айлыгы кысаларында "Бүләк" чаңгы трассасы базасында уздырылган биатлон буенча район ярышында мәктәбебез укучылары - Ф.Д.Гәрәев (IX класс), Р.Р.Гайсин (VIII класс) III урын алдылар. Аларны җиңүләре белән котлыйбыз, киләчәктә дә уңышлар телибез! Укытучылары - М.Ф.Гыйльметдинов.

    Мәктәбебезнең татар теле һәм әдәбияты укытучысы Ә.Р.Исрафилова Яр Чаллы шәһәренең 30 нчы мәктәбендә уздырылган Кадыйр Сибгатуллин исемендәге I республика фәнни-гамәли конференциядә катнашып, серитфикат белән бүләкләнде. 

   19 нчы февраль көнне 8-9 нчы сыйныф укучылары арасында “Письмо другу"  дустыңа хат  бәйгесе оештырылды. Укучылар бирелгән хатка билгеләнгән вакыт эчендә җавап яздылар. Безнең мәктәптән әлеге бәйгедә 9 нчы класс укучысы Д.Р.Акбулатова катнашты.

   I районара “Җәлил рухы һәрчак күңелдә” башлангыч класс укучылар фәнни-гамәли конференциясе нәтиҗәсе: С.Х.Камалетдинов (Укытучысы – Ч.Р.Шәвәлиева) – II урын. Котлыйбыз! Киләчәктә дә уңышлар теләп калабыз!

    Бүген, 16 февраль көнне, сәләтле балалар өчен гуманитар гимназия-интернаты базасында "Без яшь, без сәләтле" дип исемләнгән интеллектуаль олимпиада узды. 4 нче сыйныф укучылары - З.Д.Гәрәев, Н.Ш.Булатов, С.Х.Камалетдинов уңышлы чыгыш ясадылар һәм Диплом белән бүләкләнделәр. Укытучысы-Ч.Р.Шәвәлиева. Киләчәктә дә уңышлар телибез.

      Бүген мәктәбебездә совет гаскәрләрен Әфганстаннан чыгарган көн хәтер көне буларак билгеләп үтелде. Укытучыларыбыз – М.Ф.Гыйльметдинов һәм А.И.Габдуллин укучыларны тирән мәгълүмат белән таныштырдылар. Укучыларның актив катнашуы белән чара дәвам итте.

Патриотик айлык кысаларында мәктәптә укучылар арасында чаңгы ярышы уздырылды. Призлы урын алучыларга "Мактау грамота"лары тапшырылды.

Хәрби-патриотик айлык планы нигезендә мәктәптә күп төрле спорт ярышлары уздырыла. Укучылар кул көрәшендә бик теләп катнаштылар.