Район күләмендә үткәрелгән "Парламент дәресе" конкурсы кысаларында, рәсем бәйгесенең "2030 елда үземне ничек күрәм" номинациясендә 4 класс укучысы Исламова Адилә 1 урын, "Киләчәккә профессия" номинациясендә 3 класс укучысы Фаррахова Кадрия 1 урын, "Мин- күпмилләтле республика гражданины" номинациясендә Шайдуллин Гамил 3 урынга лаек булдылар.Җитәкчеләре:Л.Н.Шайдуллина.

Иншалар бәйгесендә 5 класс укучысы Пугачев Антонның эше республикага җибәрелде.Укытучысы:Ч.И.Ахметова.

25 нче февраль көнне мәктәптә "Ягез әле, егетләр!" кичәсе үткәрелде.Егетләр ике командага бүленеп, төрле бәйгеләрдә үз көчләрен сынадылар.Кичә азагында урыннар чыгарылды.Бәйрәмне педагог-оештыручы Л.Н.Шайдуллина уздырды.

Бүген, ягъни 22 нче февраль көнне мәктәп күләмендә "Кем ул герой?" дигән темага класстан тыш чара үткәрелде. Чара барышында укучыларга якташ Советлар союзы Геройлары турындагы мәгълүмат белән беррәттән "Бүгенге көн геройлары кемнәр алар?" дигән темага видеоязма да тәкъдим ителде. Класстан тыш чараны китапханәче Р.Д.Гарипова үткәрде. 

23 февраль- Ватанны саклаучылар көненә багышланган газета чыгарылды.

Хөрмәтле ир-егетләрне бәйрәм белән тәбрик итәбез!Күгебез тыныч, ил-көнебез имин булсын!

Бүген, ягъни 22 нче февраль көнне мәктәп күләмендә Халыкара Туган тел көне билгеләп үтелде. Кичә барышында укучылар Туган тел көненең тарихы белән таныштылар һәм үзләре дә Туган телгә багышланган шигырьләрне яттан сөйләделәр. Шулай ук укучылар тарафына информатика укытучысы җитәкчелегендә укучылар көче белән төшерелгән "Иң татлы тел - Туган тел" видеоязмасы тәкъдим ителде. (Видеоязмага сылтама: https://www.youtube.com/watch?v=Q8FTV4-vNEw). Кичәне тәрбия эшләре буенча директор урынбасары А.И.Шакирова үткәрде.

21 февраля 2017 года на базе МБОУ «Актанышская средняя общеобразовательная школа №2 с углубленным изучением отдельных предметов» был проведён районный  конкурс на лучший диктант «Кто грамоте горазд, тому не пропасть» с грамматическим заданием в 5-6 классах. Ученик 5-ого класса нашей школы Камалов Булат стал призерам. Учитель: Ч.И.Ахметова

2001-2002 нче елгы яшүсмерләр арасында "Сабантуй" газетасы призына оештырылган республика күләм көрәш ярышында безнең мәктәпнең 9 нчы класс укучысы Сәфетдинов Ильназ III урын яулады. Аны әлеге уңышы белән котлыйбыз!!!

15 нче февраль көнне мәктәптә татар халкының каһарман улы, герой-шагыйрь Муса Җәлилнең туган көненә багышланган "Муса Җәлил-үлмәс шагыйрь" исемендәге музыкаль- әдәби кичә узды.Укучылар шагыйрьнең шигырьләрен укыдылар, белемнәрен ныгыттылар.Тормыш юлы, иҗатына багышланган видео, презентация карадылар.

Мәктәптә 14 нче февраль көнне "Изге Вәли" көне билгеләп үтелде.Укучылар төрле бәйгеләрдә үз көчләрен сынадылар.Чараны күңелле итеп, инглиз теле укытучысы А.С.Мардамшина үткәрде.

13, 14 нче февраль көннәрендә "Йолдызлык-2017" сәнгать фестиваленең муниципаль туры узды.Безнең мәктәп укучылары ялгыз җыр, вокал-ансамбль, татар биюе, конферанс номинацияләрендә уңышлы чыгыш ясап кайттылар.Аларга киләчәктә дә уңышлар телибез.