Бүген мәктәптә Белем бәйрәме үткәрелде. 1 нче сыйныфка 3 укучы кабул ителде. Бәйрәмдә мәгариф бүлеге җитәкчесе урынбасары Имамова Роза Әскать кызы катнашты. Шул ук көнне  һәр класста  “Тынычлык ” темасы астында класс сәгатләре үткәрелде. Балаларга тынычлыкны саклау, дус булу турында аңлатылды  һәм тәрбияви презентация күрсәтелде.

Бүген, ягъни 17 нче август көнне Аккүз төп гомуми белем бирү мәктәбе базасында район күләмендә химия-биология укытучыларының "Актуальные вопросы преемственности, сисемности и результативности в контексте внедрения ФГОС ООО" дигән тема астында август киңәшмәсе үтте. 

Укучылар республика күләмендә үткәрелүче "Чиста яр" акциясендә катнаштылар.

 Мәктәп яны  ял һәм сәламәтләндерү лагерында бүген "Балыкчылар көне". Укучылар балык тотарга бардылар."Иң күп балык тотучы" ,"Иң кечкенә  балык тотучы ", "Иң зур балык тотучы " укучыны билгеләделәр. 

Бүген мәктәп күләмендә "Сабантуй" үткәрелде. Укучылар "Көрәш", "Йөгерү", "Авыш баганага менү", "Капчык киеп йөгерү", "Чүлмәк вату" һәм башка уеннарда актив катнаштылар. "Сабантуй" бик күңелле үтте!

20 май көнне Казан шәһәрендә узган "Без бергә" иҗат фестиваленең йомгаклау тантанасында укучылар катнашып, 1 урынга лаек булды.Җиңүләре белән котлыйбыз!

Гаилә көне уңаеннан, мәктәптә "Гаилә-минем терәгем" исеме астында укучылар белән сыйныф сәгате уздырылды.Укучылар кызыклы сорауларга җавап бирделәр, уеннар уйнадылар.Педагог-оештыручы Л.Н.Шәйдуллина үткәрде.

Бүген, ягъни 8 нче май көнне мәктәп бакчасында батырлар истәлегенә куелган һәйкәл янында митинг үтте. Анда җирлек башлыгы, хуҗалык рәисе, районнан килгән кунаклар барлык тыл ветераннарын бәйрәм белән тәбрикләп, изге теләкләрен җиткерделәр. Сугыш афәте, илебезнең hәp йортына кереп, күңелләрдә тирән яра эзләре калдырган. Бу елларда югалту кичермәгән гаиләләр илебездә булмагандыр, мөгаен. Сугыш турындагы тетрәндергеч хатирәләрне әтиләребез, бабаларыбыз, агаларыбыздан ишетеп үстек... Сугыш елларында да мөгаллимнәр, үз хезмәтенә тугры калып, белем биргәннәр, ил улларын, чын батырлар тәрбияләгәннәр, шул рәвешле җиңү көнен якынайтуга зур өлеш керткәннәр. Фидакарь булганнары өчен рәхмәтле без аларга! Кадерле укытучылар һәм тәрбиячеләр! Шушы күркәм бәйрәм белән котлап, Сезгә имин тормыш, тигезлек, hәp көнегезнең кадерен белеп, тынычлыкта яшәвегезне телибез!

 4 май көнне Казан шәһәрендә узган “Без бергә” иҗат фестивалендә укучылар инструменталь ансамбль белән катнашып,  уңышлы чыгыш ясадылар.