Шимбә көнне мәктәбебездә беренче тапкыр татар-башкорт көрәше буенча турнир булып узды. Ул Җиңүнең 70 еллыгы һәм Ватанны саклаучылар көненә багышланган иде.  Соңгы араларда Норлат зонасы авылларында көрәш ярышлары еш узуга карамастан, бездә узганы да шактый оешкан дәрәҗәдә, зур кунаклар катнашында узды. Катнашучыларга килгәндә алар Урысбага, Күгәй, Татар Танае, Мулла Иле авылларыннан, Яшел Үзән шәһәреннән, Казанның Мәскәү һәм Авиатөзелеш районнарыннан барлыгы 60 лап көрәшче иде. Һәм әлбәттә инде үзебезнең көрәшчеләребез. Кунакларга килгәндә, алар, Яшел Үзән муниципаль районы башлыгы урынбасары Фоат Шәмсиев, "Ангам" ширкәте җитәкчесе Әнвәр Минуллин, ТР Агрохимия үзәге директоры Әнәс Локманов, төрле елларда батыр калган сабантуе батырлары, сугыш ветераны Борһан абый һәм башка чакырылган кунаклар.

   Барлыгы 14 комплект медаль уйнатылды. Һәр үлчәү авырлыгында җиңгән һәм призлы урынга ия булган көрәшчеләр диплом, медаль һәм акчалата бүләк белән бүләкләнделәр. Ә абсолют батырга дип әзерләнгән тәкә исә Казан шәһәренә китте.

  Инде хәзер үзебез көрәшчеләргә дә тукталып китик.  Ачасыр мәктәбе базасында көрәш түгәрәге икенче ел эшли. Аны спорт мастеры, авылдашыбыз Гомәр Хәйруллин оештырды. Булып узган көрәш турнирында безнең мәктәп данын 8 егет яклап чыкты. Һәм нәтиҗәләр дә куанырлык булды. Ике укучыбыз 1 урынга чыкты ( Габидуллин Р., Замалиев Б.), калган 6 егетебез Гафиятуллин Р., Ахметшин И., Ахметшин И. (абыйлы энеле), Гайнуллин Н., Яруллин Н., Замалиев Р. ) призлы урыннарга лаек булдылар. Афәрин, егетләр!

 21 февраль , шимбә көн, Ачасыр мәктәбе базасында татар-башкорт көрәше буенча турнир уза. Әлеге спорт бәйрәмендә 1997-1998 һәм 2000-2002 нче елларда туган үсмер егетләр катнаша ала. Рәхим итегез!

  Чыгарылыш сыйныф укучылары  сынау имтиханнарын тапшыруны дәвам итәләр. Бу атнада исә алар рус теленнән көчләрен сынадылар. Үз белемнәренә таянып, видеокамера астында башкарды алар бу эшне. Тикшергәннән соң нәтиҗәләр укучыларның белемнәре ни дәрәҗәдә булуларын күрсәтер инде!

   Мәктәпкүләмендә узган гомуми линейкада бүген тәбрикләүләр күп булды. Узган атнада укучылар шактый гына бәйге-ярышларда катнашып призлы урыннар алдылар. Строевой смотрда - 1 урын,  Урысбагада узган милли көрәш ярышында 8 класс укучысы Гафиятуллин Радис - 1 урын, "Иҗади гаилә" бәйгесендә - 2 һәм 3 урыннар. Мәктәп директоры аларны котлап грамота һәм дипломнар тапшырды. Афәрин, дуслар!

  Бүген Яшел Үзәннең Балалар иҗат үзәгендә "Иҗади гаилә" бәйгесе узды. Анда безнең мәктәп даннын 5 класстан Габидуллиналар гаиләсе, 6 класстан Абзалиннар гаиләсе яклады.  Катнашучылар саны шактый күп булуга карамастан безнекеләр сынатмады. "Вокал" номинациясендә Габидуллиналар 2 урынга, "Инструменталь жанр" номинациясендә Абзалиннар гаиләсе 3 дәрәҗәдәге дипломга лаек булдылар. Афәрин!

"Иҗади гаилә" бәйгесендә 2 дәрәҗәдәге дипломга лаек булган 5 класстан Габидуллина Гөлүсәне һәм әнисе Гөлсинәне котлыйбыз!

  Тиздән Дәүләт йомгаклау аттестациясен тапшыру көннәре дә килеп җитәчәк. Шушы уңайдан, мәктәбебездә 11 һәм 9 класс укучыларның ни дәрәҗәдә әзерлекләрен тикшерү максатыннан, мәктәп директорының махсус боерыгы нигезендә,  математика, рус теле, татар теле фәннәреннән БДИ һәм ТДИ форматында тестлаштыру башланып китте. Тестлаштыру ДЙА шартларына мөмкин кадәр якын китереп, камералар белән үткәрелә. Бүген 11 класслар математикадан профиль баскычындагы биремнәрне эшләделәр. Иртәгә 9 класс укучылары математикадан шундый ук форматта тестлаштыру узачаклар. Соңыннан барлык нәтиҗәләр дә тикшерелеп, анлизланачак һәм әзерлек вакытнда нәрсәләргә иътибар итәргә кирәклеге ачыкланып, шул юнәлештә эш юнәлешләре билгеләнәчәк. Укучыларга уңышлар телибез!

Бөек Җиңүнең 70 еллыгына карата мәктәптә күп төрле чаралар үткәрелә башлады: классларда очрашулар, класс сәгатьләре, стендлар яңарту. Менә бүген дә  класс сәгатьләре вакытында, шушы дата уңаеннан, төрле темаларга сөйләшүләр үткәрделәр. 6-9 класс укучылары сугыш темасына  презентацияләр ясап килгән иделәр. Аларны классташларына тәкъдим иттеләр.

Атна дәвамында рус теле һәм әдәбияты укытучылары укучылар өчен файдалы, кызыклы булган бик күп төрле чаралар үткәрделәр. Укучылар атналык дәвамында үзләрен төрле яктан сынап карадылар, кыскасы мәктәп гөрләп торды. Һәр эшләгән эшнең нәтиҗәсе булган кебек, шушы чараларда актив катнашып җиңү яулаган яки катнашкан укучыларга рус теле һәм әдәбияты укытучылары тарафыннан грамоталар, рәхмәт хатлары һәм истәлекле бүләкләр тапшырылды. Барлык укучылар да канәгать калдылар. Шушы атналыкны тиешле югарылыкта үткәргән Гафиятуллина А.А. җитәкчелегендәге укытучыларга олы рәхмәтебезне белдерәбез. Калган атналыклар да шушындый югары дәрәҗәдә үтәр дигән ышанычта калабыз. Мәктәп администрациясе сезгә үзенең рәхмәтен белдерә.