Шимбә көнне шәһәрнең 5 нче номерлы гимназиясендә "Яшел Үзән" газетасы призына милли көрәш буенча турнир булып узды. Әлеге ярышта мәктәпнең көрәшче егетләре катнашты. Яшь көрәшчеләребезнең тырышлыклары нәтиҗәсез булмады, алар түбәндәге урыннар  белән кайтты:

2 урын - Ахметшин Илфат (10 кл), Габидуллин Рәмис (9 кл)

3 урын - Гафиятуллин Рәдис (8 кл). Котлыйбыз егетләр!

Булып узган гомуми линейкада химия-биология атналыгына нәтиҗәләр ясалды. Фән укытучысы Шакиров Р.Ф. оештырылган бәйге, чараларга йомгак ясап, актив катнашкан укучыларга мактау грамоталары, бүләкләр тапшырды.

   Мәктәп командасы Яшел Үзәндә узган троеборье буенча муниципаль ярышларда катнашып кайтты. 9-11 класс укучыларыннан торган 2 кыз һәм 2 егетебез ярышларда уңышлы чыгыш ясап, гомуми команда зачетында 1 урынга чыкты. Котлыйбыз!

Бүгенге көндә илебезнең һәр почмагында Җиңүнең 70 еллыгын каршыларга зурлап җыеналар. Безнең укучылар да әлеге уңайдан төрле чараларда актив катнашалар. 5 класс укучылары шушы атнада рәсем бәйгесе оештырдылар. Укучылар бик теләп катнаштылар, эшләнгән рәсемнәрдән күргәзмә оештырды ( Класс җитәкчеләре Гафиятуллина Ә.Г.)

   Мәктәп укучылары арасында "Сыерчык оялары" бәйгесе узды. Бәйгедә укучылар теләп катнашты. Шушы көннәрдә эшләргә нәтиҗәләр ясалды. Җиңүчеләр һәм катнашучы укучылар грамота һәм истәлекле бүләкләр белән бүләкләнде.

Мәктәптә методик айлык дәвам итә. Шушы айлык кысаларында бүген немец теленнән Гобәйдуллина Р.А. 6 класста ачык дәрес күрсәтте.  Дәрес заман таләпләренә җавап бирерлек итеп үткәрелде. Шуңа да Рәсә Алмазованың дәресе коллегалары тарафыннан уңай бәя алды.

Ученица 6 -го класса Абзалина Гулия  приняла участие в муниципальном туре Всероссийского конкурса чтецов "Живая классика".

   Узган уку елында мәктәпне тәмамлаучылар арасында ике укучыбызның  аттестатларында  "5" ле билгеләре генә иде, ягъни алар алтын медаль ияләре булырга тиешләр иде. Әмма медаль бирелү мәсьәләсе ул вакытта дәүләт тарафыннан вакытында хәл ителми калды. Менә ниһаять, әлеге зур бүләкләр үз хуҗаларын таптылар. Мәктәп директоры Максумов М.М. аларны тантаналы төстә, бүгенгесе көндә югары уку йортлары студентлары булган Гайнуллина Илүзә һәм Ганиев Ришатка тапшырды.  

Бүген 1 нче сыйныфлар өчен зур бәйрәм - Әлифба бәйрәме узды. Менә алар торышында да укырга өйрәткән Әлифба дәресе артта калды. Хәзер инде алар әдәби уку һәм татар телен укый башлаячаклар. Укытучылары Җәмәлиева Ф.Г. үз укучылары белән әти-әниләргә һәм бәйрәм кунакларына бик матур кичә әзерләгән иде.

Күпләребез ТНВ каналында "Переведи" дип исемләнгән тапшыруны кызыксынып карыйбыз. Үзебезне күпләр татарча яхшы белә дип санаса да, әлеге тапшыруны караганнан соң моның алай ук булмавына инанабыз. Менә әлеге тапшыру аналогы буларак, бүген, 6-10 класс укучылары биологик атамаларны белүдә үзләрен "Татарча исемнәрен әйт"  дигән уен аша сынап карады. Бер карашка гади генә саналган үсемлек, гөмбә, кош, агач һ.б. исемнәрен татарча белеп бетермибез икән әле. Мәсәлән, лещ - корбан балыгы, филин - байгыш, һ.б. Нәтиҗәдә, финалга 8 класс кызлары Гафиятуллина Илсинә һәм Кашапова Әлфинә узды. Соңгы турда да аларның баллары тигез иде. Соңгы ноктаны жюри куйды, аларның сорауларына җавап биргәннән соң бер балл өстенлек белән Әлфинә җиңү яулады. Әфәрин, дуслар! (Укытучы:Шакиров Р.Ф.)