24 июнь көнне Иске Җөри урта мәктәбендә чыгарылыш кичәсе булып үтте. Мәктәбебезнең 10 укучысы кулларына өлгергәнлек аттестаты алды. 3 укучыбыз укуда ирешкән уңышлары өчен көмеш медальгә ия булдылар. Укучыларыбызга алдагы тормышларында зур уңышлар телибез. Барасы юллары тигез, туры һәм якты булсын!

Укулар тәмамлануга карамастан мәктәптә балалар тавышы тынып тормый. 3 июньнән башланып киткән мәктәп яны сәламәтләндерү лагерендә 25 бала ял итә. Аларның һәр көне бик күңелле үтә. Төрле конкурслар  һәм ачык һавада хәрәкәтле уеннар  оештырыла. Лагерь 23 июнь көнне тәмамлана.

IT чемпион конкурсы нәтиҗәләре буенча, 10 класс укучысы Иргалиев Фирзәр район буенча беренче урынны яулады. 1 июнь көнне, Казан шәһәрендә җиңүчеләрне бүләкләү тантанасында Фирзәр төп призны алып кайтты. Укучыбызны әлеге зур җиңүе белән тәбрик итәбез.

25 майдан алып 31 майга кадәр, мәктәпнең 2-4 класс укучылары өчен экскурсияләр башланды. Укучылар болынга, елга буена, алма бакчасына, чишмә буена баралар. Алар бу чара вакытында күңел ачу белән берлектә, ел дәвамында укыган фәннәрне табигать белән бәйләп ныгыталар, елга, болын, чишмәләрне чистарталар, экологик проблемаларны өйрәнәләр, табигать сакчылары булырга әзерләнәләр.

Бүген безнең мәктәптә бәйрәм – Соңгы звонок бәйрәме. Менә тагын 10 укучыбыз мәктәпне тәмамлады. Мәктәп үзенең балаларын читкә очыра. Укучыларыбызна  дәʏләт имтиханнарын тапшыруда уӊышлар телибез!  

Исемдә алтын сукмакка

Тәүге аяк баскан көнем,

Тәүге башлап мәктәп ишеген

 Үрелеп ачкан көнем....

           Инде менә бүген кошлар кебек,

        Иркен киңлекләргә очабыз.

         Хәерле юл безгә! Куллар болгап

          Безне менә озатып каласыз.

Узган атнада Теләченеӊ «Батыр» спорт комплексында, «Сәламәтлеккә юл» программасын тормышка ашыру юнәлешендә, укучылар арасында район спорт ярышлары булып узды. Әлеге ярышларда безнеӊ мәктәп укучылары да актив катнашты.  2 класс укучысы Галиуллин Әнәс һәм 3 класс укучысы Давлетшина Айзиләләр  призлы урыннар алдылар. Аларны тәбрик итәбез, киләчәктә дә уӊышлар телибез.

15 май көнне Иске Җөри урта мәктәбендә  «Универсиада дәресе»  үткәрелде.  5-11 класс укучылары өчен класс җитәкчеләре «Универсиада дәресе»  темасына класстан тыш чаралар үткәрделәр. Башлангыч класс укучылары «Күңелле стартлар»  спорт ярышында үзләренең җитезлекләрен  сынадылар. Җиңүчеләргә мактау грамоталары  тапшырылды.

15 май көнне Иске Җөри урта мәктәбендә «Хәвефсез тәгәрмәч» ярышы үткәрелде. Ярышта район мәктәпләреннән командалар катнашты. Укучылар ярышта велосипедта йөрү осталыкларын, медицина һәм куркынычсызлык кагыйдәләрен белүләрен сынадылар. Ярыш ахырында җиңүчеләргә истәлек бүләкләре тапшырылды.

6-15 мая в Литве прошел чемпионат Европы по армспорту. Ученик 10 класса Старозюринской СОШ Зайнетдинов Ришат стал чемпионом Европы в этом виде спорта. Ришата и его тренера Айрата Ахметовича поздравляем с великой победой! Желаем им дальнейших успехов в учебе и в спорте.

8 май көнне мәктәптә Бөек Җиңүнең 68 еллыгына карата зур бәйрәм чарасы үткәрелде. 6, 10 класс укучылары әдәби-музыкаль композиция, концерт күрсәттеләр, Бәйрәмгә сугыш һәм тыл ветераннары чакырылган иде. Бәйрәм ахырында  укучылар Ватан азатлыгы өчен көрәштә һәлак булучыларның һәйкәлләренә венок куйдылар.