12 октябрь көнне Теләчедә авыл хуҗалыгы хезмәтчәннәре көненә багышланган ярминкә булып узды. Ярминкәдә безнең Иске Җөри урта мәктәбеннән дә яшелчә, җиләк –җимеш, укучылар һәм укытучыларның кул эшләре алып барып сатылды.   Мәктәп ашханәсе хезмәткәрләре ярминкәгә килүчеләрне кайнар коймак, баллы чәй белән сыйладылар 

10 октябрь көнне Теләченең «Батыр» спорт комплексында кул көрәше буенча район беренчелеге булып узды. Бу бәйгедә  безнең мәктәптән дә укучылар катнашты һәм барлыгы  8 призлы урын алдылар. 9 класс укучысы  Хасанов Кәримне район чемпионы булуы белән тәбрик итәбез. Бәйгедә катнашкан барлык укучыларыбызга рәхмәт белдерәбез, укуларында һәм спортта зур уңышлар телибез. 

1 октябрь көнне мәктәптә өлкәннәр көне уңаеннан,  ветераннар белән очрашу оештырылды. Очрашуга авылның хезмәт ветераннары жыелган иде. Ветераннарыбыз укучыларга үзләренең һөнәрләре. хезмәт юлары турында сөйләделәр. Бәйрәм укучыларның күчтәнәч концерты һәм чәй эчү белән тәмамланды.

Дүшәмбедән  мәктәптә агач утырту атналыгы игълан ителде.  Мәктәп янын яшелләндерү эшендә барлык класс укучылары  да актив катнаша. Тиздән мәктәптә һәр классның укучылар аллеясе гөрләп үсәчәк.

14 сентябрь  көнне мәктәптә финанс белемнәре көне үткәрелде. Һәр класста бу темага класс сәгатьләре, дискуссияләр, сораулар һәм җаваплар бәйгеләре үткәрелде. Бу класс сәгатьләре вакытында,  укучылар үзләре өчен бик кызыклы һәм файдалы мәгълүматләр алдылар.

Республикада экстремизмга каршы көрәш айлыгы дәвам итә. 10 сентябрь көнне, районның гадәттән тыш хәлләр бүлеге хезмәткәрләре, мәктәптә гражданнар оборонасы буенча сынау һәм өйрәтүләр оештырдылар.

Шимбә көнне безнең мәктәптә өмә үткәрелде. Бу өмәдә укучылар җәй буена мул уңыш биргән бәрәңгене җыюда катнаштылар.  Бәрәңге  кышкы саклауга салынды.

1-5 сентябрь көннөрендә Польшада армспорт буенча Европа  чемпионаты  булып узды. Бу  чемпионатта  11 класс укучысы Зайнетдинов Ришат беренче урынны алды. Ришатны бу җиңүе белән чын күңелдән котлыйбыз! Алдагы ярышларда һәм укуында зур уңышлар телибез.

4 сентября во всех класс прошел единый урок на тему  "Здоровые дети - в здоровой семье".  В ходе уроков ученикам были представлены презентации, фильмы. Среди учеников начальных классов прошли спортивные состязания "Веселые старты".

26 август көнне, район мәдәният йортында, «Укырга барырга ярдәм ит!» акциясе кысаларында, 1 класс укучыларына уку-язу әсбаплары тутырылган  сумкалар бүләк иттеләр. Безнең мәктәпнең 6 укучысы да әлеге бүләккә ия булды. Мәктәп дирекциясе һәм ата-аналар исеменнән, укучыларыбызга әлеге бүләкләрне ясаган оешмаларга рәхмәт белдерәбез, хезмәтләрендә уңышлар телибез!