14 декабрь көнне, Баландыш төп мәктәбендә Миннегали Сафин призына, 1998 елгы һәм аннан кечерәкләр арасында татарча көрәш бәйгесе үткәрелде. Бу бәйгедә безнең мәктәп командасы да катнашты.  3 класс укучысы Галиуллин Әнәс 1 нче урынга лаек булды. Әнәсне әлеге җиңүе белән тәбрик итәбез, киләчәктә укуында һәм спортта уңышлар телибез.

12  декабрь көнне Россия Конституциясен кабул итүгә 20 ел булды. Бу көнне, 1-4 класс укучылары,  Россия Конституциясенә  кагылышлы “Конституция турында мин нәрсәләр белергә тиеш?” дигән темага  класс сәгатьләре,   5-9 класс укучылары сораулар һәм җаваплар кичәсе үткәрделәр, 10 -11 класс укучылары “Конституциянең 20 еллыгы”  дигән темага презентация карадылар, әңгәмә үткәрделәр.  

7  декабрь – мәктәп укучылары, инвалидлар декадасы уңаеннан, авылдашыбыз Шәкүрова Миләүшә апаларының өенә бардылар. Миләүшә аларны үзенең кул эшләре күргәзмәсе белән каршы алды. Укучылар үзләре әзерләгән концертлары белән Миләүшә апаларын сөендеп кайттылар.  Бик күп матур, җылы  сүзләр яңгырады әлеге кичәдә. Балалар да, Миләүшә дә әлеге очрашуны әле бик күп еллар хәтерләрендә сакларлар дип ышанып калабыз.

5  декабрь көне  мәктәптә «Сугышчан дан көне» итеп билгеләп үтелде. Бу көнне 5-8 класс укучылары өчен «Тарих битләренә сәяхәт» темасына әңгәмә,  9-11 класс укучылары өчен «Сораулар һәм жаваплар кичәсе» үткәтелде. Чара ахырында барлык укучылар бергәләп  «Мәскәү өчен сугыш» фильмын карадылар.

4 декабрь көнне, мәктәптә «Ватан батырлары көне» уңаеннан класстан тыш чара үткәрелде. Тарих укытучысы Зайнетдинова Диләрә Ханифовна, укучыларны дан орденнары һәм медальләре тарихы, аларның ияләре белән таныштырды.

Чарага «Грозтхой» чик буе заставасында үзенең хәрби бурычын үтәгән вакытта, Суворов медаленә лаек булган авылдашыбыз Зиннатуллин Ильнар Наил улы чакырылды.

Ильнар абыйлары укучыларыбызга үзенең хәрби хезмәте турында сөйләде, истәлекләре белән уртаклашты, булачак ватан сакчыларына үзенең киңәшләрен бирде.  Чара укучыларга бик ошады.

Алланып таңнарның алына,

Нур булып, кешелек таңына,

Җыр булып үрелеп күңелгә,

Кил безгә, Яңа ел, кил безгә!

От всей души поздравляем вас с наступающим  Новым годом! Желаем вам в новом году доброго здоровья и  светлого настроения. Пусть тепло согревают ваш домашний очаг. Пусть праздничные новогодние дни  будут для вас яркими, снежными и искристыми от сияющей мишуры, разноцветных гирлянд и елочных украшений. Пусть все ваши заветные желания и мечты сбудутся в новом году. С новым годом!

25 ноябрь көнне, Теләче мәдәният йортында, Россия Конституциясе кабул ителүнең 20 еллыгына багышланган «Мин яратам, сине, Россия!» патриотик җырлар конкурсының  район этабы үткәрелде. Бу конкурста безне мәктәпнең «Яшьлек» вокаль ансамбле чыгыш ясап, беренче урынга лаек булды. Укучыларыбызны җиңүләре белән тәбрик итәбез, киләчәктә дә уңышлар телибез.

14 ноябрь көнне, Казан шәһәрендә, «Кулланучыларның хокуклары» дигән темага олимпиада үткәрелде. Бу олимпиадада безне мәктәптән үзенең укытучысы Гарифуллина Рүзилә Саетшовна белән, 10 класс укучысы Нурмиева Зөһрә катнашты. Зөһрә бәйгедә беренче унлыкка кереп, диплом һәм истәлекле бүләк алып кайтты. Рүзилә Саетшовна һәм Зөһрәне җиңүләре белән тәбрик итәбез, киләчәктә дә уңышлар телибез.

Предмет олимпиадаларының мәктәп турын үткәрү тәмамланып килә.  12 ноябрь көнне геологиядән, 4 класста инглиз теленнән, 13 ноябрь көнне  4 класста математикадан, 13 ноябрь көнне  4 класста рус теленнән олимпиада үткәрелеп, җиңүчеләр билгеләнде. Олимпиадаланның мәктәп турында җиңгән укучыларыбызга киләсе олимпиадаларда уңышлар телибез.

Көзге каникуллар чорында, Иске Җөри урта мәктәбендә башлангыч класс укучылары өчен сәламәтләндерү лагере эшләде. Бу лагерьда 25 укучы ял итте. Ял чорында укучылар өчен спорт уеннары, кул эшлэре бәйгеләре, кызыклы викториналар,  һәм башка мавыктыргыч һәм файдалы чаралар үткәрелде.