Каникуллар җитүгә, балалар беренче көнне үк мәктәп яны  лагеренә  килделәр. Вакытны әрәмгә уздырмадылар. Төрле экскурсияләргә, экологик  үзәккә, спектакльгә барып  кайттылар. Гимназиябездә исә "Күңелле стартлар", "Бию марафоны", "Алтын куллар" ярышында катнаштылар. Гомумән, соңгы уку чирегенә яңа көч-дәрт туплап,  рәхәтләнеп ял иттеләр.

 Каникуллар булса да, гимназия укучылары тик тормады. Югары сыйныф укучылары  имтиханнарга әзерләнсә, башлангыч  сыйныф  укучылары  мәктәп яны лагеренә йөрделәр, ә иң истә калганы  язучы Рәфис Корбан белән очрашу булды. Балалар язучысы үзе турында сөйләде, укучыларга  төрле сораулар биреп, хәлләре белән кызыксынды, мавыктыргыч шигырьләр укып, балаларны китап укырга, белем алырга өндәде. Укучылар  Рәфис Корбанны  йотлыгып тыңладылар, үзләренең кызыклы сорауларын яудырдылар.Очрашу кичәсе матур үтте. Балалар бүләккә китап алып, автограф куйдырып,бик канәгать булып калдылар.

22 мартта  Бөтенроссия " Туган тел" мастер-классы бәйгесе кысаларында гимназиядә татар теле һәм татар әдәбияты укытучыларының  төбәкара семинары узды. Бу чарада 16 регионнан  мөгаллимнәр  катнашты. Кунакларны Татарстан Республикасы  Мәгариф һәм фән министрының милли мәсьәләләр буенча урынбасары   Гөлназ Хәмзә кызы Исмәгыйлева һәм министр киңәшчесе Гөлия  Фәрхәт кызы Мусина  сәламләделәр.  Семинар барышында  мөгаллимнәр  күрсәтмә мастер- класслар карадылар," Түгәрәк өстәл" кысаларында үзләрен борчыган сорауларга җавап эзләделәр, проблемалары белән уртаклаштылар. Татарстан Республикасының Мәгарифне үстерү институты доценты Рәсимә Равил кызы Шәмсетдинова норматив документларга нигезләнеп, барлык сорауларга да тулаем җавап бирде.

Җанлы аралашу " Милли мирас" , " Алиш варислары" музейларында дәвам итте. Укучыларының иҗади сәламе, гимназия  директоры  Арсланова Рәхимә Минвәли кызының чыгышы да кунакларның күңеленә хуш килде. Бу чарада катнашучылар  семинарга югары бәя бирделәр.

Бабаларыбыз элекке вакытларда Ай һәм Кояш календаре буенча яшәгән. Яңа елның беренче көне итеп көн белән төннең тигезләшкән вакытын (ул 21 мартка туры килгән) исәпләгәннәр. Бу көнне кояш зодиакның Хәмәл йолдызлыгына кергәнгә, айның үзен дә "хәмәл ае" (ягъни март ае) дип йөрткәннәр. "Нәүрүз" фарсы телендә "яңа көн" дигәнне аңлата.

   Нәүрүз  бәйрәме бүген дә уздырыла. Бу уңайдан бар халык урамга чыга, күңел ача. Иң чибәр, иң уңган кызны Нәүрүзбикә итеп сайлап куялар. Ул Кыш бабай белән ярыша һәм җиңеп чыга. Әнә шулай Кыш бабай рәвешендәге иске ел куып җибәрелә. Безнең гимназия укучыларыбыз да бу көнне бәйрәм иттеләр. Язны сагынуларын, көтә-көтә арыганнарын дә әйттеләр. Бәйрәм күңелле узды.

 Гимназиябезнең татар теле һәм әдәбияты укытучысы Галиева Гөлназ Шамил кызы " Татар теле һәм әдәбияты укытучысы 2017 " бәйгесенең шәһәр, республика  этапларында җиңү яулап, Бөтенроссия күләменә чыкты һәм Россиянең " Иң яхшы татар теле һәм әдәбияты укытучысы -2017" бәйгесендә җиңү яулады.

  Без  Гөлназ Шамилевнаны  һәм аңа бу бәйгедә   ярдәм күрсәткән  барлык укытучыларны,аеруча  директорыбыз Рәхимә Минвәли кызы Арсланованы һәм  директор урынбасары Фәрхетдинова Эльмира Мингәзиз кызын  котлыйбыз!  

  Февраль башында  районда " Озын тәнәфес- Большая перемена" шәһәр бәйгесенең сайлап алу туры узды. Безнең гимназия укучылары  бу чарада катнашып, III  урын алдылар  һәм шәһәр бәйгесендә катнашу хокукына ия булдылар.Балаларны бу чарага, аеруча зур тырышлык белән, Гөлнур Таһир кызы Урманчеева һәм Алинә Әмир кызы Валеева әзерләделәр.Сценарийның авторы- директорыбыз Рәхимә Минвәли кызы Арсланова. Тәрбия эшләре буенча директор урынбасары Гарифуллина Наилә Наил кызы, педагог- оештыручы Җамалетдинова Айгөл Рәис кызы  оештыру эшләрен оста алып бардылар. Барыгызга да бик зур рәхмәт! Киләчәктә дә зур уңышлар юлдаш булсын иде безгә!

Галеева Гөлназ Шамил кызы  " Ел укытучысы - 2017" шәһәр бәйгесенең "Татар теле һәм әдәбияты укытучысы"  номинациясендә җиңүче дип танылды.Бу безнең гимназия өчен зур горурлык!.

Гөлназ Шамилевна! Без Сезне барлык коллектив исеменнән ихлас күңелдән котлыйбыз һәм республика этабында  да яңа җиңүләргә  ирешүегезне  телибез! 

«А.Алиш эзләреннән» исемендәге  IV  төбәкара фәнни-гамәли конференция «Татарстан Республикасы дәүләт телләре һәм Татарстан Республикасында башка телләр турында» Татарстан Республикасы Законын тормышка ашыру, Абдулла Алишның, каһарман шагыйрьләрнең, А.Алиш премиясе лауреатларының иҗатын өйрәнү, пропагандалау, матур әдәбиятка, туган илгә мәхәббәт тәрбияләү максатында 2017 нче елның 29 нчы апрелендә  үткәреләчәк.

Район күләмендә уза торган  " Фәнгә беренче адым" исемле фәнни- гамәли конференциядә ел саен башлангыч сыйныф укучылары актив катнаша. Февраль уртасында узган конференциядә укучыларыбыз түбәндәге нәтиҗәләргә ирештеләр:

Мозаффарова Язилә,2 нче сыйныф укучысы- III урын ( укытучысы- Сәгъдиева И.М.)

Дәүләтшин Азат, 3 нче сыйныф укучысы-II урын ( укытучысы- Хакимова Ф.Н.)

Котлыйбыз!

1 нче сыйныф укучылары да гимназия тормышында актив катнашалар.Алай гына да түгел, олимпиадаларда да сынатмыйлар.1 нче А сыйныфы укучысы Габдрахманова Азалия ( укытучысы-Җаббарова Алсу Фоатовна) "Живое слово - Җанлы сүз" һәм " Мин кулыма китап алам" исемле республика олимпиадаларында катнашып, призлы урынга лаек булды.