1-11 нче сыйныф укучылары  “Десантники” һәм   “9 рота” командаларына бүленеп “Аҗаган - 2016” хәрби - патриотик уеннарында көч сынаштылар: стройда йөрү,   автомат сүтеп-җыю; турникта тартылу; отжимание ясау; гер күтәрү; пакет эзләү; окоп казу һәм граната ату; кече һәм олы байракларны эзләү; аркан тарту; башлангыч класс укучылары белән чаңгыда эстафета.  Барлык уеннарда очколар тигез булып барса да, олы байракка  беренче булып “Десантники” командасыннан Дәниф Шарифуллин барып җитте.

Татар дисәм мине дөнья белә,
Ул исем бит ташка сырланган.
Шушы исем белән халык гомер иткән
Шатланган да ,янган, сызланган.

Татар кызы , татар уллары без,

Саклыйк, яклыйк туган илебезне.

Без, көч биреп яшәтергә тиеш
Җандай газиз туган илебезне.

    Бүген 8-11 нче класс егетләре катнашында “Татар егете” бәйгесе үткәрелде. Бәйгедә 4 егет тапкырлыкта, җитезлектә, осталыкта сыналдылар. Галиев Рәдиф “Иң тыйнак егет”, Гафуров Ильзат “Иң сәләтле егет”, Шакиров Илһам “Кызлар күңелен яулаган егет”, Сабирзянов Ильмир “Иң зирәк егет” номинацияләрендә җиңүче булып танылдылар.

Кадерле ир-егетләр! Сезне чын күңелебездән Ватанны саклаучылар көне белән тәбрик итәбез.

Ир-ат булса ,хәвеф-хәтәр юк,

Бәлаләрдән калкан кебек каплыйсыз сез.

Балаларның—тынычлыгын ,әниләрнең

Саф ягымлы елмаюын саклыйсыз Сез

Атомнарның куәте бар күңелегездә,

Яшибез без һәрчак яклау сездән көтеп.

Җиһан,заман, Ватан,халык—бөтен дөнья

Карый сезгә үзенең сакчылары итеп.

 Сез саклыйсыз безне җил-давылдан

Сез барында күңел дә тыныч.

Илен сакларга да баса ир-ат,

Килеп туа калса куркыныч.

Яшәрегез яшь өстәлгән саен,

Яшәү булсын сезгә күңелле.

Безнең өчен ныклы терәк бит сез

Иң зур бәхет шушы түгелме?

Без котлыйбыз сезне чын йөрәктән,

Гөрләп үтсен алгы көнегез.

Ак бәхетләр, шатлык, сәламәтлек ,

Озын гомер сезгә телибез.

Әфганстаннан  совет гаскәрләре  чыгарылуга   27 ел тулуга багышланган  волейбол ярышыннан безнең мәктәп егетләре командасы 1 нче урын һәм Кубок алып кайттылар . Молодцы егетләр!!! Тренер - Шакиров Рамил Шамилевич. Котлыйбыз!!! Киләсе ярышларда да зур уңышларга ирешүегезне телибез. 

Бүген патриот – шагыйрь Муса Җәлилнең тууына 118 ел! Шул уңайдан мәктәбебездә М.Җәлилне искә алу кичәсе үткәрелде.   

     Муса Җәлил дөньяның горурлыгы, күп милләтле әдәбиятның, бөтен прогрессив кешелек культурасының мактанычы. Аның “Моабит дәфтәре” циклы шигырьләрендә батырлык рухы һәм ихтыяр көче ташып тора. Алар Ватанга, халыкка тирән мәхәббәт, хак эшнең тантана итәчәгенә ышаныч белән сугарылганнар. Тирән мәгънәле, искиткеч нәфис, ялкынлы бу шигырьләрне укыганда, Муса Җәлилнең батырлыгына, рухи сафлыгына,намуслылыгына сокланмый мөмкин түгел! Ул миллионнар өчен яшәү үрнәге булып әверелде.

Фән олимпиадаларының республика этабыннан тагын бер укучыбыз призер булып кайтты . 10 нчы сыйныф укучысы Гибадуллина Инзиләне һәм татар теле һәм әдәбияты укытучысы Муллаянова Талия Тәлгат кызын зур җиңүләре белән чын күңелебездән котлыйбыз!!! Молодцы!!! Киләчәктә дә белем үрләрен яулауда уңышлар телибез.

Бүген "Чаңгы юлы-2016"  ярышы үткәрелде. Әлеге ярышта  барлык укучылар, укытучылар коллективы һәм хезмәткәрләр катнашты. Җиңүчеләр грамота һәм акчалата бүләккә ия булдылар.   

Укырга да өйрәттең,

Язарга да өйрәттең

Син кадерле син туган

Телемнең алтын ачкычы,-дип рәхмәт әйттеләр беренче китапларына 1 нче сыйныф укучылары Булат, Солтан, Мәдинә, Гөлзирә, Елизавета. Беренче укытучылары Нәсимә Ринатовна, әти-әниләре аларга изге теләкләркн җиткерделәр, киләчәктә дә тырышып укуларын, акыллы, тәртипле укучылар булуларын теләделәр.

Бүген 9-11 нче сыйныфларда "Гражданин. Җәмгыять. Дәүләт" дигән темага парламент дәресе үткәрелде. Тарих һәм җәмгыять белеме укытучысы Талипов И.М. әлеге төшенчәләрнең үзара бәйләнешен аңлатты. Дәрестә Югары Симет авыл җирлеге һәм район Советы депутаты Хабибуллин Илнур Габизович катнашты һәм эчтәлекле чыгыш ясады.  Укучылар үзләрен кызыксындырган сорауларга җаваплар алдылар.   

Туган ил ул була бер генә,

Туган илнең кадерен бел генә!

Мәктәбебездә хәрби-патриотик тәрбия айлыгы бара. Шул уңайдан, 10 нчы сыйныф укучылары, ОБЖ укытучысы Закиров Д.Р. белән берлектә, сугышта һәлак булучылар истәлегенә куелган обелискның тирә-ягын кардан чистарттылар, чәчәкләр куйдылар.