Сугыш... Күпме сагыш, кайгы, күз яшьләре алып килдең син! Никадәр югалту, бәхетсезлек китердең тынычлык халкына. Син аның бәхетен урлап, рухын сындырырга, юк итәргә, колга әйләндерергә, кешеләрне тезләндереп, алар өстеннән явызларча хакимлек итәргә теләгәнсеңдер. Безнең илнең көчсез, әле ныгып җитмәгән булуыннан файдаланырга теләгәнсеңдер. Ләкин бер хакыйкатьне син аңламагансың. Безнең илебез яшь, көчсез булса да, аның горурланып сөйләрлек , курку белмәс, җиңелмәс батыр уллары, кызлары, шундый батыр йөрәкле балалар үстергән аналары бар. Безнең илебез зур сынаулар, авыр юллар, чиксез күп югалтулар белән җиңү таңын каршылады.

Бүген укучылар иртәнге аштан соң чәчәкләр ясадылар, аннары чәчәкләр белән  сугышта һәлак булучылар истәлегенә куелган обелискка төштеләр. Төшке аштан соң Бөек Ватан сугышы турында фильм карадылар.

Бүген мәктәп яны лагерена йөрүче укучылар авылыбыз урамнары буйлап сәяхәт иттеләр. Истәлекле урыннар тарихы белән таныштылар, авылыбыздагы матур йорт-җирләргә карап сокландылар. Төшке аштан соң мәдәният йортына дискотекага төштеләр. Рәхәтләнеп биеделәр, күңел ачтылар.

Мәктәп яны лагере " Юлларда балалар куркынычсызлыгы" интернет-акциясендә катнаша. Шул уңайдан бүген балалар белән "Юл йөрү кагыйдәләрен беләсеңме?" дигән темага викторина һәм рәсем конкурсы үткәрелде.

Ял һәм хезмәт лагерена йөрүче укучылар , мәктәп яны тәҗрибә участогында эшләү белән беррәттән, ял да итә беләләр, төрле спорт уеннарын яратып уйныйлар.

Бүген мәктәп яны лагерена йөрүчеләр Ш.Биктимеров исемендәге район мәдәният йортына Туфан Миңнуллинның "Әйт әле, күбәләк" спектаклен карарга бардылар. Бик ошатып, рухи көч, дәрт алып кайттылар. 

Көн артыннан көн үтә. Балаларның лагерьдагы вакытлары көннән - көн мавыктыргычрак, кызыклырак була бара. Бүген елга буена экскурсиягә бардылар. Малайлар балык тоттылар, кызлар файдалы үләннәр җыйдылар.

Кояшкай" лагеренда укучылар  һәр көнне сәламәтлекләрен  ныгытуны дәвам итәләр. Бүген "Сабантуй" комлексына экскурсия ясаганнан соң,   "Нарат" боз сараена юл тоттылар . Рәхәтләнеп тимераякта шудылар. Ике лагерьга йөрүчеләрнең дә көннәре бик күңелле һәм файдалы үтте. 

Лагерьның һәр иртәсе иртәнге линейка һәм зарядка белән башланып китә. Бүгеннән ГТО атнасы башланды. Укучылар белән ГТО турында әңгәмә үткәрелде. Көннең икенче яртысында "Мин авылның киләчәген ничек күз алдына китерәм" темасына рәсемнәр ясадылар.

Көн артыннан көн үтә тора . Лагерьның да 7 көне үтеп китте. укучылар бик теләп йөриләр. Бүген иртәнге аштан соң "Иң матур прическа" конкурсы үткәрелде, малайлар кызларга көч биреп тордылар. Аннары "Гөлбану", "Йөзек салыш", "Капкалы" кебек татар халык уеннары уйнадылар. Көндезге аштан соң саф һавада хәрәкәтле уеннар булды.