Бүген бездә зур бәйрәм- бакчабызның зурлар төркемендә озак еллар тәрбияче ярдәмчесе хезмәтен башкаручы Газизова Рүзидә Мөхәмәт кызына 50 яшь. Хөрмәтле Рүзидә Мөхәммәтовна! Сине чын күңелебездән матур бәйрәмең- 50 яшьлек юбилеең белән котлыйбыз! Сиңа озын гомер, ныкъ сәламәтлек, балалар һәм оныклар шатлыгында, тигезлектә, бәхеттә, шатлыкта яшәргә насыйп.

Бүгенгедәй матур, көләч булып,

Нык-нык басып бирдә яшәгез.

Озак еллар сау-сәламәт булып

Яшен булып күкрәп яшьнәгез.

Бүген бакчабызда тәрбияләнүче иң сөйкемле кызларыбызның берсе-Шафикова Зәринәнең туган көне. Зәринәне чын күңелебездән 2 яшь тулган  көне белән котлыйбыз! Әти-әнисенә игелекле бала булып үсүен телибез!

Сабыр да Сез, гади, кешелекле,

Кылган эшегез-бары изгелек.

Шатлыкларда үтсен сезнең көннәр

Бәхетегез булсын гомерлек. 

Барсы өчен Сезгә чын күңелдән,

Чын йөрәктән рәхмәт диябез. 

Бүгенгедәй матур, көләч булып,

Нык-нык басып бирдә яшәгез.

Озак еллар сау-сәламәт булып 

Яшен булып күкрәп яшәгез!

Бүген бакчабызда зур бәйрәм-җитәкчебез Мөбәрәкова Румизә Мияссәр кызының гомер бәйрәме-55яшь тулган көн.Румизә Мияссәровна! Бу дөньда иң кыйммәтле нәрсә-кеше гомере. Әле яңа гына мин яшим дип дөньга аваз саласың, кай арада инде аккан судай гомер үзенең олылыгын дистәләгән еллар белән билгели. Кечкенә чакта һәр туган көнне шатлык-сөенечләр белән көтеп аласың, тизрәк үсәсе, зур буласы килә. Ә еллар узган саен адәм баласы үзенең туган көннәрен сабыррак каршы ала башлый. Артка борылып караган саен узган гомер юллары, истәлекләре күз алдына килә. Узган еллар, үтелгән юллар заяга узмаганлыгы,гомер көзләренә кергәндә җимешләр инде өлгергәнме-менә шуларны әкрен генә барлый башлыйсын. Хатын -кыз бу чорда алдын-артын уйлап акыл белән эш итә, җиде кат үлчәп бер кат кисә.Сезнең менә шундый матур чорыгыз! Һәрвакыт сау-сәламәт булып, киң күңелле, ярдәмчел, иҗади эшләүче булып калыгыз!

Бу тормышның озын юлларыннан

Атладың да, һаман атладың;

Кеше дигән, җитәкче дигән

Исемеңне горур сакладың.

Хемәткәрләр күңелендә сиңа,

Бары хөрмәт, рәхмәт хисләре;

Гомереңнең зая узмаганын

Әйтеп тора матур эшләрең.

Рәхмәт Сезгә барысы, барысы өчен

Яшәү көче, дәрте сүнмәсен.

Сәламәтлек Сезне ташламасын

Авырлыклар бер дә килмәсен.

"1 июнь-балаларны яклау көне" уңаеннан, район күләмендә үткәрелгән әкият сәхнәләштерү конкурсында актив катнашкан өчен, бакчабызны грамота белән бүлкләделәр.