Бүген балалар үзләре укырга - белем алырга барачак мәктәп яны мәйданчыгына сәяхәт кылдылар,анда төрле уеннар уйнадылар.Балаларга мәйданчыкның яңа корылмалары бик ошады.Рәхәтләнеп ял иттеләр.

Бүген балалар белән музеебызга "Ачык ишекләр көне"нә бардык. Музей хезмәткәре Гүзәл апаларының көтелгән кунаклары булдык. Ул безгә күп кенә кызыклы мәгълүматлар җиткерде.Безгә музейда бик ошады.Истәлекле экспонатлар янында фотога төштек.

Уйнап арганнан соң,үзебез су сибеп үстергән чәчәкләр кырыена утырып ял итүләре рәхәт тә соң!!!

Уртанчылар төркеме балаларының бүген куанычлары эчләренә сыймады - чөнки бакчабызны ямьләндереп һәм балаларның яшь үзенчәлекләренә туры китереп эшләнгән уен корылмалары кулланылышка тапшырылды.Монда атынчыклар,карусель,таучык та бар.Рәхәтләнеп уйнагыз,балалар!

Бүген балалар күренекле шәхес,урманчы Нургали Миннихан улы Минниханов һәйкаленә бардылар.Аның эшчәнлеге турында балаларга сөйләдек.Музейда алган белемнәрне искә төшердек.

Балалар бүген янгын сүндерү оешмасына сәяхәт иттеләр.Алар шушы хезмәт вәкилләре белән таныштылар.Эшче абыйлар балаларга ут белән уйнамаска кирәк икәнлеген төшендерделәр.МЧС хезмәткәрләренә авыр эшләрендә сәламәтлек теләдек.

Төбәгебезнең истәлекле урыннарына сәяхәтебезне дәвам итеп,балалар белән мәчетебез янына килеп,истәлеккә фотога төштек.Бакчада күңелле ял иттек.

Бүген бакчабыз балалары Туган ягыбыз- Лесхозыбыз музеена сәяхәт иттеләр. Монда алар Лесхоз тарихы белән таныштылар,Нургали бабаларының киеп эшләгән киемнәрен,эш өстәлләрен күрү бәхетенә ирештеләр.Без музейдан туган төбәгебез белән горурланып кайттык.

Музейдан чыккач,истәлеккә фотога да төштек.