Җәй буена бакчада тулышып пеште кабак.

Көзен бәйрәме буласын искә төшердек кабат.

Күп кенә сырхауларга дәва була алам мин,

Кабак үстерүчегә саулык теләп калам мин.

Кабак шулай диде дә,сүзен шунда туктатты.

Кабак бәйрәменә дип,мәйданга чыгып басты.

Бүген уртанчылар төркеме балалары үзләренең тәрбияче апалары белән бистәбез буйлап сәяхәткә чыктылар.Алар "Нургали" мәчете, мәктәп бинасы, чишмә янында булдылар.Балаларга бу чара бик ошады.

Туган җиркәй..Ни аһәңле,назлы исем!

Сизәм анда болыннарның татлы исен,

Ишетәм анда каеннарның серле шавын,

Тау астында серле чишмә чылтыравын.

Бүген зурлар төркеме балалары туган төбәкне күбрәк өйрәнү максаты белән дендрология бакчасына бардылар.Төрле агач-куакларның төрләре,аларны үстерү ысуллары белән танышып кайттылар.

Күрәбез без мәчет манарасын.

Тыңлыйбыз аннан азан тавышын.

Горурланабыз синең белән Лесхоз!

Шунда үтәбез гомер агышын.

Сайрар кошлар китә Лесхозымнан 

Мул уңышлар үсә кырында.

Язларын да Лесхоз ак чәчәктә,
Кушып җырлыйм шушы җырыма.....

Көз килде.Үләннәр

Саргайды,шиңде.

Сап-сары яфраклар

Җиргә сибелде.

Көз көннәре килеп җитте.

Хушлашабыз җәй белән.

Бөтен җиргә яфраклардан

Алтын келәм җәелгән.

Җиргә яфрак коелган,

Сап-сары келәм булган.

Яфракларны җыябыз.

Букет ясап куябыз.

Зурлар төркемендә "Мин -сәләтле" исеме астында үткән атнаның йомгаклау кичәсе-Лесхоз бистәсендә яшәп иҗат итүче Сәрия апа Хафизова белән очрашу булып үтте.

И балалар,күрегез сез

Бигрәк матур бакчагыз.

Сезнең белән һәрчак бергә

Тәрбияче апагыз.

Сау-сәламәт,исән-имин

Көчле булып үсегез.

Кояш кебек балкып торсын,

Көләч булсын йөзегез.

Менә шундый шигырь юллары бүләк итте безгә Сәрия апа!

Бүген уртанчылар төркеме балалары Лесхоз урта мәктәбендә педагог-оештыручы, "Театр" түгәрәге җитәкчесе Гөлүсә Миннемөхәммәтовна белән очраштылар. Алар аны "Мин-талантлы!" конкурсы уңаеннан очрашуга чакырганнар иде. Гөлүсә апалары балаларга сәхнә серләре турында сөйләде.Балаларга бу очрашу бик ошады.

Зурлар төркемендэ "Мин-сәләтле" исеме астында рәсем конкурсы үтте. Балалар үзләре ясаган иҗади рәсемләүләрендә сәләтләрен күрсәттеләр.

Бүген нәниләребезне мәктәпкә озаттык.Мәктәп бусагасын беренче мәртәбә атлап керүегез белән сезне дусларыбыз! Уңышлар юлдаш булсын!!!