Бүген бакчабызда әти-әниләр җыелышы булып узды.Чара башта гомуми төстә оештырылса,икенче өлештә һәрбер төркемнең әти-әниләре үз балаларының тәрбиячеләре белән,төркемнәргә таралыштылар.

Көн тәртибенә спорт һәм көндәлек өс киемнәре,балалар бакчасы өчен түләү тәртибе,көндәлек йөрешне тәртипкә кертү куелды.Сүз шулай ук балаларның портфолиолары,шөгыльләре,мәктәпкә әзерлек төркеменең гомуми белем бирү мәктәбенә шөгыльгә йөрүе,бассейнга йөрү тәртибе турында да барды.

Әти-әниләргә тәрбияче биргән биремне көндәлек үтәп бару тиешлеге азсызыкланды.Шулай ук һәр пәнҗешәмбе көн "День русского языка" дип аталачагы турында да белдерелде.

Бүген икенче кечкенәләр һәм уртанчылар төркеме балалары төзү шөгыленә килгән өч аюга карават һәм урындыклар ясап бүләк иттеләр.

Спортны ярату кирәк

Безнең һәммәбезгә дә.

Сәламәтлек үзе бәхет

Киләчәк көнебездә.

Бу атнада уртанчылар төркемендә йомгаклау чарасы итеп күңелле эстафета- спорт уеннары планлаштырылган иде. Балалар спорт уеннарында теләп катнаштылар. Үзләренең җитезлекләрен күрсәттеләр.Шөгыльдән соң көр күңел белән өйләренә кайтып киттеләр.

Тәрбияче Шәкүрова Ч.Н. Казан- Түбән-Камада 30.10.15-01.11.15 көннәрендә "Управление качеством образования в новых социокультурных условиях: опыт, проблемы, перспективы" темасы буенча булып узган Бөтендөнья фәнни-практик конференциядә катнашып, чыгыш ясап, үзенең эш тәҗрибәсе белән уртаклашып, I дәрәҗә дипломга лаек булып кайтты.Аның чыгышы "Шөгыльләрдә милли-төбәк компонентын куллану алымнары" дигән теманы чагылдырды.Аңа киләчәктә дә уңышлар телибез.

Икенче кечкенәләр һәм уртанчылар катнаш төркеме балалары белән табигать материалы күркә кулланып урманда яшәүче кечкенә кешеләрне ясадык. Балаларга бу шөгыль бик ошады, кызыксынып һәм шулай ук фантазияларын эшкә җигеп шөгылләнделәр.

Китап-киңәшчең синең,

Дустың, ярдәмчең синең,

Ул хөрмәткә бик хаклы-

Кадерлә син китапны...

Чыннан да бу шигъри юлларда әйтелгәнчә, киап ул кешенең ярдәмчесе.Без бу атнада үзебезнең төркем балалары белән менә шул турыда әңгәмәләр кордык.Иҗат почмагындагы китапларны карадык, ремотлап та куйдык.Киталардагы шигырьләрне, әкиятләрне укыдык, сорауларга җаваплар бирдек.Ә җомга көнне авыл китапханәсенә экскурсиягә бардык. Гөлчәчәк апа балаларга матур китаплар күрсәтте.Әти-әниләр белән бергә килеп китаплар алып укырга тәкъдим итте.Балалар бу чарадан бик шатланып кайттылар, Гөлчәчәк апаларына рәхмәт әйттеләр.

Зурлар төркеме балалары бүген китапханәгә сәяхәт тоттылар.Анда аларны китапханәче Гөлчәчәк апалары каршы алды,тылсымлы китап иле белән таныштырды.Балалар бу очрашудан бик канәгать булып кайттылар.

Зурлар төркеме балалары бүген "Икмәк - яшәү чыганагы"исеме астындагы атнаны йомгаклап,шаулатып - гөрләтеп,"Сөмбелә бәйрәме" үткәрделәр.Бәйрәмгә үзенең мавыктыргыч уеннары,табышмак - мәкальләре белән " Көз кызы" кунакка килде.Балалар да җавапсыз калмадылар: белемнәрен күрсәттеләр - ипинең яшәү чыганагы булуы,игенче хезмәте турында җырлар җырлап,шигырьләр сөйләделәр,яфраклар белән биеп тә алдылар. "Көз кызы" балаларга "Куян күчтәнәчләре" дә өләште.

Исәнме, көз! Исәнме, көз!

Көттек без килүеңне.

Алтын көз синнән сорыйбыз

Бүләкләр бирүеңне.

Буген уртанчылар төркеме балалары белән "Көз бәйрәме" үткәрдек.Шигырьләр сөйләдек, матур җырлар җырладык, биюләр биедек, Көз кызы белән бергә уеннар уйнадык, табышмакларга җавап бирдек, ахырдан Көз кызы алып килгән күчтәнәчләр белән сыйландык.