Бүген 4 нче сыйныф укучысы Галимҗанов Булат әтисе Галимҗанов Ленар Расим улы белән "Мы ГоТОвы!"дип исемләнгән гаилә белән ГТО нормаларын тапшыру бәйгесендә катнаштылар һәм уңышлы чыгыш ясадылар. Молодцы! Аларга киләчәктә дә уңышлар телибез.    

   Бүген Лесхоз бистәсенең - спорт мәдәният үзәгендә зур чыршы бәйрәме булып узды. Анда районыбыз мәктәпләрендә белем алучы, спортта, мәдәни чараларда һәм укуда зур уңышларга ирешкән укучылар катнашты. Аларны котларга Саба муниципаль районы башлыгы Рәис Нургали улы Миннеханов та килде. Әлеге чарада безнең мәктәптән дә 11 укучы катнашты. Уңышлар Сезгә, укучылар!

   Явлаштау урта мәктәбендә ата-аналар җыелышы булып узды. Җыелышта укыту һәм тәрбия буенча яртыеллыкка йомгак ясалды, алда торган максатлар белән таныштырылды, ата-аналарны кызыксындырган сорауларга җаваплар бирелде.

   Мәктәбебездә "Кояшкай" кышкы лагере үз эшен башлап җибәрде.

   25 нче декабрь көнне башкалабызның "Татнефть Арена" спорт комплексында президент елкасы булып узды. Әлеге чарада безнең мәктәптән Галимҗанова Илүзә һәм Галимҗанов Нурсилләр катнашты.   

   Район беренчелегенә уздырылган мини-футбол ярышларында мәктәбебезнең кызлар командасы 1 нче, ә егетләр командасы 2 нче урынгга ия булдылар. Молодцы, котлыйбыз!