26 нчы ноябрь көнне Балалар иҗат үзәгендә "Алтын башмак" дип исемләнгән бию бәйгесе булып узды. Бәйгедә мәктәбебезнең "Грация" бию төркеме катнашып I урынга лаек булдылар. Җитәкчеләре Рахимуллина Чулпан Әмир кызы. Кызларыбызга алга таба да уңышлар телибе!.

   Башкалабыз Казанда 21-23 октябрь көннәрендә "Ел лидеры-2019" XVII балалар һәм яшьләр иҗтимагый берләшмәләре лидерлары һәм җитәкчеләре республика бәйгесенең йомгаклау этабы узды. Бу бәйгедә мәктәбебезнең VIII сыйныф укучысы Габдрахманова Ләйсән читтән торып катнашу этабын узып, йомгаклау этабында катнашу хокукы алды. Бу өч көнлек бәйгедә алар чын мәгънәсендә үзләренең лидерлык сыйфатларын ачтылар: аралаштылар, үзләре белән таныштырдылар, проект якладылар, бәхәсләштеләр, балалар думасы буенча күп кенә сорауларга җавап бирделәр. Бәйге балаларда онытылмаслык якты хатирәләр калдырды.

    Хөрмәтле әти-әниләр, укытучылар һәм укучылар!                                                                                                            Билгеле булганча, 19 октябрь көнне  13:00 сәгатьтә Дөньякүләм белем бирү  «Татарча диктант» акциясе үтәчәк.  Акциянең төп максаты- татар телендә хатасыз язарга өйрәнү, әдәби татар телен кулланучыларның даирәсен арттыру, орфографик һәм грамматик хаталарны тикшерү. Катнашучыларның ничә яшьтә булулары мөһим түгел. Әйдәгез, әлеге акциягә без дә кушылыйк. 19 нчы октябрь көнне  Явлаштау урта мәктәбендә барыгызны да көтеп калабыз.                                                                                                                                                 

   Бүгеннән, ягъни 5 сентябрьдән мәктәбебездә "Көзге мәрхәмәтлелек атналыгы - изге эшләр эстафетасы" акциясе старт алды. Ул #ДОБРЫЙТАТАРСТАН#МӘРХӘМӘТЛЕТАТАРСТАН хэштегы белән үтә. 

   Инспектор ПДН Габдрахманов Р.В. и общественный инспектор Исхакова А.Р. провели профилактическую беседу.