31 октябрь һәм 1 ноябрь  көннәрендә 9, 11 нче сыйныф укучылары математика һәм рус теле фәннәреннән сынау имтиханы тапшырдылар.

8 нче сыйныф укучысы Ахмиева Гөлфизә, технология фәне буенча үткәрелгән “Мин-мастер” бәйгесендә катнашып, “Иң оригиналь идея” номинациясендә җиңү яулады. Молодец, Гөлфизә, котлыйбыз!

   Тормыш иминлеге нигезләре фәне укытучысы Ханнанов Илдар Фәнис улы башлангыч сыйныф укучылары белән су буйларында, боз өстендә үзеңне ничек тотарга кирәклеге турында сыйныф сәгате уздырды. Сыйныф сәгатенең укучыларның көзге каникулга китәр алдыннан үткәрелүе бик үтемле булды.

  Учитель информатики Ханнанов И.Ф. провел единый урок безопасности в сети Интернет. Ученики вспомнили понятия «угроза», «безопасность», «информация», виды угроз. Учащиеся узнали основные правила поведения в сети Интернет.

   25 нче октябрь көнне Тимершык урта мәктәбе базасында, 2004-2005 нче елгы кызлар арасында волейбол буенча иптәшләрчә очрашу үткәрелде.

   21 нче октябрь көнне мәктәбебез укучылары участок полициясе Хабибуллин Фәнил Фоат улы белән очраштылар. Очрашу барышында ул укучыларга дәрестә һәм дәрестән тыш вакытта, җәмәгать урыннарында үз-үзеңне тоту кагыйдәләре, балалар белән булган җинаять очраклары һәм аларны булдырмый калу чаралары турында сөйләде. 71 нче Закон турында аңлатты. Укучыларны кызыксындырган сорауларга җаваплар бирде.