4 октябрь – Гражданнар оборонасы көне буларак билгеләп үтелә. Бүген шул уңайдан, тормыш иминлеге нигезләре укытучысы Ханнанов Илдар Фәнис улы, 8-11 сыйныф укучылары белән ачык дәрес күрсәтте. Дәрестә Саба һәм Теләче муниципаль районнарының гражданнар оборонасы һәм гадәттән тыш хәлләр буенча күзәтү хезмәте бүлеге начальнигы Галимуллин Айнур Рифкать улы катнашты. Ул МЧС хезмәтенең мөһимлеген ассызыклады, гадәттән тыш хәлләр вакытында югалып калмаска, каушамаска кирәклеген аңлатты.Укучыларны кызыксындырган сорауларга җаваплар бирде.

   Илебездә октябрь ае башында Өлкәннәр ункөнлеге уздырыла. Бу көннәрдә өлкәннәрне котлаулар, бүләкләүләр, искә алулар бара. Өлкән кешеләр – безнең әби-бабайларыбыз, күршеләребез, туганнарыбыз алар. Бик күп авырлыклар күргән, дөньяның ачысын-төчесен татыган кешеләр. Гомерләре буе хезмәттә кайнаган, сугыш һәм сугыштан соңгы авырлыкларны иңнәрендә күтәргән өлкәннәр, картлык көннәрендә зур игътибарга, ихтирамга, хөрмәткә лаек. Бүген шул уңайдан мәктәбебездә бик күңелле чара узды. Башлангыч сыйныф укучылары үзләренең әби-бабайларына матур концерт номерлары күрсәттеләр, үз куллары белән ясаган бүләкләрен бирделәр.

   Сегодня учащиеся 5 класса выполнили стартовую диагностику по математике.

24 сентября был организован забег приуроченный к всемирному забегу "Кросс нации".

Бүген мәктәбебездә корбан ашы үткәрелде.

Кешене мәрхәмәтле, шәфкатьле булырга кечкенәдән үк өйрәтергә кирәк. Һәр укытучының төп максатының берсе – балаларыбызда шәфкатьлелек, мәрхәмәтлелек, тәүфыйк- миһербан, игелек-изгелек, ярдәм, киң күңеллелек, кадер-хөрмәт, наз-игътибар, юмартлык, сабырлык, итагатьлелек кебек сыйфатлар тәрбияләү. Укучылар ярдәмгә мохтаҗ өлкән буын кешеләренә төрле эшләрдә булышалар. Ә өлкәннәр балалар белән аралашуны көтеп, ярдәмнәренә куанып торалар. 

 8 нче сентябрь көнне мәктәбебездә "Көзге игелек атнасы" кысаларында, "Яхшы сүз балдан татлы" дигән тема астында шигырьләр конкурсы үткәрелде. Укучылар үзләренең фикерләре белән уртаклаштылар, кроссворд чиштеләр, шигырьләр сөйләделәр. Шигырь конкурсы Роберт Миңнуллинның "Яхшылык" дигән шигыреннән өзек белән тәмамланды.

Яшәү безгә авыр булыр иде

Яхшылыктан башка.

Шуңа күрә яхшылыкны эшлик

Без үзебез башта.