Бу көннәрдә фән олимпиадаларының муниципаль этаплары бара. Мәктәбебезнең 6 нчы сыйныф укучысы Минкәбиров Айзат математика фәненнән 2 нче призлы урынны яулады. (Укытучысы: Гафиятова Г.А.) Афәрин, Айзат!

  22 ноября в 4-х, 6-х, 8-х классах прошло диагностическое тестирование по английскому языку. 

  Мәктәбебезнең 11 нче сыйныф укучысы Галимҗанова Рәфидә “Бәйсез “Глаголица” Халыкара әдәби премиясе – 2016” да катнашып, “Татар телендә проза” номинациясендә Гран – прига лаек булды. Ул “Глаголица - 2016” символы – бәллүр ябалак, яңа модельле планшет, яхшы эчтәлекле "Кече китапханә" җыелмасы, "Казан шәһәре күренешләре" сувенир комплекты белән бүләкләнде. Аның әсәре “Бәйсез “Глаголица” Халыкара әдәби премиясе – 2016" махсус альманахына кертелде. Рәфидәне зур җиңүе белән котлыйбыз һәм киләчәктә иҗатында уңышлар телибез. Афәрин!

   На базе Института филологии и межкультурной коммуникации КФУ в рамках V Международного научно – практического форума состоялось чествование учащихся и студентов Республики Татарстан. Ученица 11 класса Габдулхакова Айгуль была награждена Дипломом призера регионального этапа Всероссийской олимпиады школьников и студентов по государственным языкам республик Российской Федерации. Поздравляем!

  18 ноябрь – Бөтенроссия балаларга хокукый ярдәм күрсәтү көне уңаеннан, “Минем хокукларым һәм бурычларым” темасына сыйныф сәгатьләре үткәрелде. Сыйныф сәгатендә участок инспекторы Хабибуллин Ф.Ф. катнашып, укучыларны балигъ булмаганнарның административ җаваплылыгы турындагы законнар белән таныштырды, укучыларның сорауларына җавап бирде.

   Бу көннәрдә  мәктәбебездә индивидуаль ата – аналар җыелышлары бара. Фән укытучылары әти – әниләр белән балаларының ничек укулары, тәртипләре, әти – әниләр тарафыннан нинди ярдәм кирәк булуы турында әңгәмәләр алып баралар.

 16 нчы ноябрь көнне Явлаштау урта мәктәбендә “Ел укытучысы - 2017” Россиякүләм бәйгесенең “Иң яхшы өстәмә белем бирү педагогы”номинациясе буенча муниципаль туры үтте. Районыбыз мәктәпләреннән килгән педагоглар мастер - класслар күрсәттеләр, укучыларга күптөрле эшләнмәләр ясау технологияләрен өйрәттеләр.

15 нче ноябрь көнне Явлаштау урта мәктәбендә балалар бакчалары тәрбиячеләре өчен “Ачык ишекләр көне” үткәрелде. 1 нче сыйныф укытучысы Хаҗиева Рәмзия Хәмит кызы рус теле һәм математика фәннәреннән ачык дәресләр күрсәтте. Дәресләрдә Мишәбаш һәм Явлаштау балалар бакчалары тәрбиячеләре Яруллина И. Һәм Багутова Н.катнашты. Соңыннан дәресләргә анализ ясалып, фикер алышулар булды.

   15 ноябрь көнне Шәмәрдән лицее базасында КЭС-БАСКЕТ ярышларының зона этабы узды. 6 мәктәптән (Явлаштау, Эзмә, Иштуган, Корсабаш, Шекше мәктәпләре һәм Шәмәрдән лицее) кызлар һәм егетләр командалары катнашты. Мәктәбебезнең һәр ике командасы да, III призлы урынны яуладылар. Җиңүчеләрне котлыйбыз һәм финал уеннарында уңышлар телибез!