Бакчабызның педагоглары, балалары һәрдаим конкурсларда катнашып киләләр. Мәктәпкә әзерлек төркеме балалары регионара “РостОК-SuperУМ” турнирында катнашып игътибарлылык, фикерләү, иҗади сәләтләрен үстерүче биремнәрне башкарып икенче, өченче дәрәҗәдәге дипломнарга ия булдылар. Турнирда катнашкан барлык балаларга, әти-әниләргә рәхмәтебезне җиткерәбез. Киләчәктә конкурс, ярышларда катнашып уңышларга ирешүләрен теләп калабыз.

26-30 январь көннәрендә бакчабызда "Ял итү өчен җәмәгать урыннары" темасы астында үткәрелде. Кешеләргә хезмәт көнен үткәргәннән соң ял итү өчен күп төрле җәмәгать урыннары (балалар курчак, балет һәм опера, драма һәм комедия театрлары, концерт заллары, музейлар,китапханәләр, цирк һ.б.) булдырылуы турында аңлату. Балаларны мәдәният һәм сәнгать өлкәсендә эшләүче хезмәт ияләре белән таныштыру, җәмәгать урыннарында үз-үзеңнне әдәпле, әхлаклы, тәртипле тотарга кирәклеген төшендерү буенча аңлату эшләре алып барылды. Йомгаклау чарасы итеп балалар тырышлыгында концерт номерлары әзерләнде. Балалар өйрәнгән шигырь, җыр, биюләрен башкардылар. Иптәшләренең чыгышларын көчле алкышларга күмделәр.

Бүген уртанчылар төркемендә әти-әниләр җыелышы вакытында тәрбияче Гүзәл Габдулхаевна балалар белән берлектә "Кыш турында хикәя" темасына интегральләштерелгән эшчәнлек күрсәтте. Балалар Ак аю җибәргән биремнәрне үтәп табышмакларга җавап эзләделәр, кышкы табигатьнең серле, матур, сихри, салкын булуын билгеләп үттеләр, рәсем буенча хикәя төзеп сөйләделәр, ябыштыру ысулы белән киез итекләрне бизәделәр.

28 январь көнне зурлар төркеменең әти-әниләр җыелышында инглиз теле өйрәтүче Гөлназ Альфредовна балалар белән берлектә "Гаилә" темасына бердәм белем бирү эшчәнлеген күртсәтте. Кызыклы, мавыктыргыч уеннар, төрле биремнәр аша балаларның белемнәре ныгытылды, гаилә членнарының атамалары өйрәнелде, гаиләдәге һәр кешегә карата игътибарлы, мәрхәмәтле, шәфкатьле булырга кирәклеге аңлатылды. Эшчәнлекнең җанлы баруы, балаларның актив, сорауларга аңлап җавап бирүләре әти-әниләргә аеруча ошады. Балаларга күп кырлы тәрбия һәм белем бирү эшчәнелеге буенча эш алып барганнары өчен педагогларга, специалистларга, балалар бакчасы коллективына рәхмәтләрен җиткерделәр.

27 январь көнне икенче кечкенәләр төркеменең әти-әниләр җыелышында тәрбияче Гүзәл Хәмзевна “Матур бизәкләр” темасы астында интегральләштерелгән белем бирү эшчәнлеген үткәрде. Кунакка килгән Мәрьямнең бик күп матур күлмәкләре булуын билгеләп, “Нәрсә үзгәрде?” уены аша төсләр турында белемнәрен ныгыттылар, төрле тукыма кисәләреннән тегелгән киезне күзәтеп, шуный ук кисәкләрдән юрган тегәргә кирәклеген ачыклап, “тукымаларга” матур бизәкләр төшерделәр. Һәр әти-әни бала янына утырып балалар белән берлектә кәгазьгә туры сызык, манып алу ысуллары белән төрле бизәк төшерү алымнарын үзләштерделәр. Балаларның пумаланы дөрес тотып эшли алуларына, чиста-пөхтә эшләүләренә ирештеләр.