Чәчәккә үрелүгә,

Сизде бугай уемны:

-Өз-з-з-мә! -диеп, бал корты

Безелдә де түгелме?

Җәйне көтәбез кайчан җитә, дип.

Җиткәч куркабыз үтеп китә, дип.

Җәй үзе шуны сизгән шикелле

Кыскарта төнне, озайта көнне.

Кояш  соң бата, төннән таң ата;

Айга эш тә юк  ял итеп ята.

Кояшка эш күп ул таңңан тора.

Иген уңдыра, безне кыздыра.

Безгә миләшләр, җиләкләр пешерә,

Яхшылык кына эшли кешегә.

Без бүген үзебезнең "Мишә" исемле елгабызга бардык. 

Әй, сөям мин табигатьнең гүзәл күренешләрен!

Чылтырап аккан суын, анда балык йөзешләрен.

Балалар табигатьне, чәчәкләрне күзәтергә бик яраталар. Бүген без балалар белән ак чәчәкнең төзелешен искә алдык , аның матурлыга сокландык.

Гөл чәчәкләр өзмәдек без.

Куаклар сындырмадык.

Яшел урман аланында

Уйнадык та җырладык.

Кояшка карап елмайдык.

Җиләкләргә сәлам әйттек.

Һәркем өйгә алып кайтты

Бер кочак сәламәтлек!

Бүген без авылыбызның мәдәният йортына сәяхәткә бардык. Рузалия апалары балаларга төрледән төрле уеннар уйнатып, балаларга бүләкләр дә өләште.

Мәдәният йортында балалар төрле кызыклы уеннар уйнап күңел ачтылар. 

Тирә-юньне, табигатьне саклау, яклау, үз-үзеңне табигатьтә дөрес тоту күнекмәләрен тәрбияләү, суларның, чишмәләрнең матурлыгын күрү аларга сак караш тәрбияләү максатыннан без бүген балалар белән үзебезнең авылыбызның "Актым чишмәсенә" сәяхәткә бардык.  Авылыбызда чишмәләребезнең бик аз булганлыктан балаларга чишмәләрне ел саен чистартып торырга кирәклеген искә алдык. Чишмәләрне чистартып, тәрбияләп торсаң гына алар саекмас, гел шулаай челтерәп агып торырлар.

Челтер-челтер көмеш чишмә

Яр астыннан агадыр.

Әби көн дә тәмле чәйгә

Суны шуннан аладыр.

Әби әйтә:-Чишмә суы

Гади түгел, серле, -ди,-

Ул кешегә көч бирә,-ди,-

Ямьли туган җирне,-ди.

Сандугачкай, сара, сайра,

Котлап матур таңнарны.

Туган җирдәй гүзәл җирләр

Дөньяда тагын бармы?

Күрче, дөнья нинди матур,

Тирә-ягың гөл генә.

Гөлбакчабай ямьле була

Бары туган җир генә.