Бүген безнең бакчабызда чыгарылыш бәйрәме булып узды. Без үзебезнең матур кызларыбыз һәм оста малайларыбызны  мәктәпкә озаттык. Менә алар - Энҗе, Әминә, Әлфис һәм Шәүкәт.

Энҗе, Әминә, Әлфис һәм Шәүкәт үзләренең дуслары, әниләре һәм тәрбияче апалары белән. Сезгә үзебезнең иң матур теләкләребезне телибез: сау-сәләмәт, бәхетле булыгыз. 

Бүген Айдарның туган көне - аңа 5 яшь тулды. Айдар! Сине туган көнең белән котлыйбыз. Сиңа саулык-сәламәтлек, бәхет-шатлыклар телибез. Әти-әниеңне, туганнарыңны сөендереп, тәртипле булып үсүеңне телибез.

Иң матур теләкләр белән бакчадагы дусларың һәи апаларың.

Бергәләшеп комлыкта уйнау бик рәхәт. 

Районда "Чистый берег" акциясе кысаларында су буйларын, чишмә яннарын , ял итү урыннарын чистарту эшләре бара. Безнең бакча хезмәткәрләре дә акциядә катнашып, чистарту эшләренә үзләренең өлешләрен керттеләр. Чисталыкны саклау - үзебезнең кулларда.

Аланнарда - җиләк исе,

Басуларда - иген исе,

Җәйләүләрдә - сөт исе...

Тагын аллы-гөлле чәчәк,

Кайнар кояш өстисе,

Шушы булыр җәй төсе.

Үссен матур чәчәкләр

Гел кояшка үрелеп.

Балкып торсын җиребез

Яшеллеккә күмелеп.

Кояш көлеп торганда

Килеп чыктык урманга.

Урман безне кумады,

Без бит аның кунагы.

Җиләк белән сыйлады,

Шатлык эчкэ сыймады.

Аланнарда-җиләк исе,

Басуларда-иген исе,

Җәйләүләрдә сөт исе...

Тагын аллы-гөлле чәчәк,

Кайнар кояш өстисе-

Шушы булыр җәй төсе!