Пушкинский день в МБОУ “Ново-Арышская СОШ” отмечается ежегодно и проводится совместно работой лагеря.

    В этот день проходит множество культурных мероприятий, посвещённых творчеству этого великого поэта, литературе и русскому языку.

 В сам праздник в школе собрались ребята 1-6 классов, чтобы послушать поэтические произведения в исполнении учащихся, поучаствовать в викторине, конкурсе.

Шулай ук иртәнге оештыру эшләреннән соң көнебезне иртәнге гимнастик күнегүләрдән башлап җибәрдек.  Сәламәтлек сәхифәсен дәвам итеп “Кояш һәм эссе кагу һәркемгә бертөрле яный. Кояшта тән пешү” дигән темага фельдшер Мухаматрахимова М. чыгыш ясады һәм соңыннан фикер алыштык.

  Табигать һәм кеше мөнәсәбәтләренә тукталып, көндәлек тормышта төрле көтелмәгән очраклар булырга мөмкинлеген искәрттек. Доктор Айболит белән бәйле мультфильм карадык. Уен бүлмәләрендә төрле өстәл уеннары белән мавыгып вакытның узганы сизелмәде.

Мәзәкне белү генә түгел, аны кызык итеп сөйләү мөһим. Мәзәкләрне белүчеләр байтак булса да. Башкаларны җәлеп итеп, көлдереп сөйләүчеләр берничә генә икән. Алар сөйләгәндә тыела алмыйча көләсең дә көләсең... Менә алар безнең мәзәкчеләр:  Галимов Д., Валеев И.,  Миннахметова Д.,  Садыйкова Д.

Бүген лагерьда спорт көне.  Мәктәп стадионында төрле спорт уеннары буенча ярышлар үткәрдек. Кыска арага йөгерү, сикерү, туп  ыргыту уеннарын яратып уйнадык. Ике командага бүленеп “Байрак алыш!” уенын уйнадык. Бу  уен  бик кызык та мавыктыргыч та узды. Арабызда аеруча да җитезләр командаларга очко бүләк иттеләр.

Көнебез гадәттәгечә башланып китте. Балалар поход киемнәреннә килделәр, чөнки бүген табигатькә экскурсиягә чыгачакбыз. Максатыбыз: туган авылыбызның табигатен күзәтү, урман, елга, болыгнарның атамаларын өйрәнү. Урман, болын, кыр атамалары белән бәйле тарихи чыганакларны барладык. Балалар белмәгән кызыклы атамалар бар икән әле безнең авылда.. Сәяхәтебез бик күңелле һәм файдалы булды.

1 нче июнь - бүген лагерьның беренче көне. Ниһаять, җәйге каникулның иң күңелле, кызыклы көннәре – мәктәптә оештырылган ял һәм сәламәтләндерү лагере эшли башлады. Лагерьның исеме дә “Таң” дип атала.

Җәйнең беренче көне җылылык, яктылык, мәрхәмәтлелек өстәүче бәйрәм - Балаларны яклау көнен күп илләрдә зурлап үткәрәләр. Баланың елмаюы һәм шатлык тулы күзләре - ата-ана өчен моннан да мөһим нәрсә юк. Нарасыйларны наз һәм шәфкатьтә тәрбияләү, аларны олы тормыш авырлыкларыннан, җәбер-золымнардан саклау - һәр гаиләнең иң төп, изге бурычы. Балаларыбыз ышанычын югалтмыйк, аларны тагын да бәхетлерәк итәргә омтылыйк. Һәр бала әти-әнисе кочагында үссен, аларга олылар тарафыннан һәрвакыт игътибар, кайгырту һәм мәхәббәт булсын. Барлык балаларга да яхшы ял, ныклы сәламәтлек һәм күңелле тәэсирләр телибез.

   Беренче өлеш оештыру эшләре белән узса, икенче өлештә зур концерт оештырылды. “Җырлы-моңлы балачак” исеме астында төркемнәр концерт номерлары күрсәттеләр. “Ямьле балачак” темасына асфальтка рәсемнәр дә ясадык. Афәрин балалар, булдырасыз бит!

31 май көнне мәктәбебезнең 4сыйныф укучылары башлангыч мәктәп белән саубуллашу кичәсе үткәрделәр. Кичәгә балаларның әниләре чакырылган иде.

Саубуллашу кичәсе шигырь , җыр-бию белән үрелеп барды. Чыннан да үзенең мәшәкатьләре, шатлык-куанычлары белән 4ел үтеп тә киткән.

Искә төшә иң беренче тапкыр

Шигырь сөйләп басып торганым.

Җылы караш, назлы сүзләреңнән

Тойдым сезнең йөрәк җылысын.

Рәхмәт сезгә, рәхмәт укытучым!

Республикабызда “Мәдәни көндәлек” проекты 2014 ел Татарстанда һәм илебездә Мәдәният елы игълан ителгәч башланып киткән иде. Менә инде проект-конкурс дүртенче ел дәвам итә. Һәр уку елы башында  мәктәбебез укучыларына мәдәни көндәлек  бирелде. Бу көндәлек уку елы дәвамында республикабызның тарихи-мәдәни урыннары һәм мәдәни чаралар белән танышырга ярдәм итте. Шулай ук укучы тарихи  истәлекле  урыннарга баргач көндәлекне тотып фотога төшәргә һәм көндәлеккә махсус тамга салдырырга тиеш иде. Уку елы ахырында “Иң яхшы мәдәни көндәлек” һәм “Иң мәдәниятле әти-әни” конкурсларына катнашырга мөмкин иде. 2014-2015 нче уку елында сыйныфтан ике укучы Хасаншина К., Гатиятуллина Я. район күләмендә дә җиңү яулап Казан шәһәрендә үткәрелгән бәйрәм тантанасында катнашты. 2015-2016 нчы уку елында Нуретдинова Л.  муниципаль этапта җиңү яулап  дипломга лаек булды. 2016-2017 нче уку елында исә Гатиятуллина Я.  муниципаль этапта өченче сыйныф укучылары арасында икенче урынны алды. Ә быелгы  2017-2018 нче уку елында Садыйкова Д.  көндәлеге  дүртенче сыйныф укучылары арасында өченче урын алып җиңү яулады. Аны диплом һәм истәлекле бүләк белән бүләкләделәр.

   17 май көнне мәктәбебезнең 4 сыйныф укучылары Татарстан варислары  берлеге сафларына кабул ителделәр. Алар “Күтәрелү баскычлары” буйлап сәяхәт иттеләр, төрле сынауларны үтәделәр һәм варис булырга лаек булуларын исбатладылар. “Һәр көнне игелек кыл!” лозунгысы сезне игелекле эшләр башкарырга чакырып торсын,  яшь варислар!