28 нче август көнне Балык Бистәсе районында проект эше белән август киңәшмәсендә катнаштык.

Лагерьның бүген 13 нче көне. Көнебез “Сазлык, баткаклык “ дип аталганлыктан балалар белән тәмәке тартуның зарары, алкоголь һәм наркотик матдәләрнең куркыныч булуы турында сөйләштек. “Яхшыдан үрнәк ал, яманнан гыйбрәт ал” презентация карадык, соңыннан фикер алыштык. Шулай ук компьютер һәм бала турында да  сөйләштек. Аның файдалы, зыянлы якларын карап киттек. Укучылар яхшылык, начарлык, тискәре гадәтләрне чагылдырган рәсемнәр дә ясадылар.

   Яңа Арыш урта мәктәп яны лагерында  “ Россия көне” темасына балалар иртәсе  үткәрелде. Балалар  конструктордан, рәсемдә  Россия атрибутлары ясадылар, туган илебез турында белемнәрен арттырдылар.   Соңыннан спорт уеннары уйнадылар, җырлар җырладылар, шигырьләр сөйләделәр.

Буген лагерьда - Хәтер көне. Мәктәп музеена кереп андагы тарихи экспонатлар, авыл тарихы белән бәйле материаллар, авылның алдынгы эшчән кешеләре, тыл батырлары, авылдан чыккан күренекле кешеләр турындагы стендлар белән таныштык. Изге китап-Хәтер китабы белән таныштык. Авылыбыздагы сугышта катнашкан авылдашлар хөрмәтенә төзелгән монумент янына бардык. Балалар үзләренең сугышта үлеп калган бабалары турында сөйләделәр.

Көнебез иртәнге оештыру эшләре белән башланып китте. Балаларны барлап, иртәнге линейка, гимнастика үткәрдек. Иртәнге аштан соң  уен бүлмәләренә җыелдык. Сәламәтлек минутында  “Яшел аптечка” турында беренчел белемнәрне барладык. Шушы темага презентация карадык. Дару үләннәре белән танышырга якын болынга бардык. Табигать матурлыгына сокланып дару үләннәре тупладык.  Әйләнә тирәгә күз салсак нинди генә дару үләннәре үсми икән болында.

Лагерьның бүген тугызынчы көне. Бүген бездә төке аштан соң китапханәче - Мухаметрахимова Рәзилә тарафыннан “Китап киңәшчең синең!” – дип исемләнгән бәйрәм чарасы оештырылды. Ул каникул вакытында күбрәк укырга, китапханәгә ешрак килергә чакырды.

     Бүген көн матур башланды. Көннәр әле һаман да җылынып китә алмый. Әле яңгыр, әле кояш балалар вакытында килеп җиттеләр. Иртәнге аштан соң сәламәтлек сәхифәсе башланды. Вожатыйлар “Дөрес туклану кагыйдәләре”н искә төшереп киттеләр. Миләүшә Мухаматрахимова балаларга табигатьтә булганда тәнгә талпан кадалу һәм бал корты чакса нишләргә кирәклеген аңлатты, гомүмән бик кирәкле информация бирде. Икенче көн тәртибендә “Чишмәләр” турында сөйләштек. Авылыбыздагы чишмәләрнең тарихы турында искә төшердек. Истәлекле чишмәләрнең берсенә сәяхәт кылдык. 

   Бүген безнең лагерьда янгын сүндерүчеләр дә булып китте. Алар балаларга янгын куркынычсызлыгы кагыйдәләрен ныклап аңлаттылар һәм шул ук вакытта балаларның да белемнәрен тикшереп алдылар. Балалар да югалып калмадылар, бик актив рәвештә сорауларга җавап бирделәр.