14 нче мартта районыбызда "Живая классика" халыкара шигырь укучылар конкрсының муниципаль этабы узды. Безнең  мәктәптән 7 нче сыйныф укучысы Валеева Сәидә катнашып, 3 урынга лаек булды. Диплом һәм истәлекле бүләкләр белән бүләкләнде. Укучыбызга апрельдә Яшел Үзән шәһәрендә узачак турда уңышлар теләп калабыз!

Әтиләр советы белән берлектә, мәктәп күләмендә укучылар һәм аларның әтиләре катнашында шахмат ярышы үткәрелде. 3 урын - Шамсивалев Н., 2 урын - Альмиев И., 1 урын - Имамиев Р. лар лаек булдылар. Мондый чара балаларга да, әтиләргә дә бик ошады. 

7 нче сыйныф укучысы Галимов Данияр "Шушы яктан - шушы туфрактан без" республикакүләм фәнни-гамәли конференөиядә 1 дәрәҗә диплом белән бүләкләнде. Даниярга алга таба да уңышлар теләп калабыз!

Мәктәбебез укучылары бик теләп республикакүләм "Мирас" конкурсында катнашып рәсемнәр җибәрделәр.

Җылы кояш нурларына төренеп, йөгерек гөрләвекләре белән йөгереп язның беренче ае - март та килеп җитте. Барыбызга да билгеле, әлеге айның иң матур, иң олы бәйрәме - 8 Март - Халыкара хатын-кызлар көне.

Шул хөрмәттән 7 мартта мәктәбебездә бәйрәм оештырылды. Халыкара хатын-кызлар бәйрәме белән котлап, 1 һәм 4,5 сыйныф укучылары бик матур концерт номерлары куйдылар. Шигырьләр, җырлар, биюләр күрсәттеләр. Мәктәтбебез хатын-кыз укытуыларны һәм укучыларны якынлашып килүче 8 март бәйрәме белән директорыбыз Нәбиуллин Д.Х. да котлап узды. 

8 март -Халыкар хатын-кызлар бәйрәменә "Ягез әле, кызлар" дип исемләнгән бәйрәм викторинасы узды. 7-11 сыйныф кызлары 3 командага бүленеп үзара көч сынаштылар. Бәйгенең беренче "Танышу" уенында кызлар үзләренең командалары белән таныштырдылыр. Исем, девиз, эмблема, җырлар җырладылар. Кызларга галстук бәйләү, прическа ясау, чәчәк исемнәрен әйтү, викторина, мәкальләр, табышмаклар, реклама ясау, бию кебек төрле кызыклы уеннар оештырылды. Ә укучы егетләребез бәйрәм белән котлап, шигырьләр сөйләделәр, мәкальләр, табышмаклар әйттеләр, җырладылар. 

6 мартта 2 нче сыйныф укучылары сыйныфан тыш бәйрәм чарасы үткәрделәр. Бәйрәмгә безнең кадерле әниләребез дә килделәр. Укучылар үзләренең һөнәрләрен күрсәттеләр. Биеделәр, җырладылар, шигырләр сөйләделәр, “Өч кыз” әкиятен сәхнәләштереп күрсәттеләр. Укытучы апалары әниләргә дә уеннар оештырган иде. Алар 2 командага бүленеп үзара тапкырлыкка, җитезлеккә көч сынаштылар.

Бәйрәм әниләргә дә, укучыларга да бик ошады.

Созвездие - 2019 ның муниципаль этабында 1 нче сыйныфтан Галимова Диләрә (конферанс) белән Каримова Гүзәл (соло)  катнаштылар. Яхшы гына чыгыш ясап, Диләрә зональный этапка үтте. Зональный этап Мамадыш районында узачак. Кечкенә йолдызыбызга алда таба да уңышлар теләп калабыз!

Отчетное заседание отряда профилактики правонарушений "Беркут". 

22 февраль Шумбут мәктәбендә шахмат турниры үтте. Безнең мәктәп данын яклап 1 урынга 7 нче сыйныф укучысы Валеева Сәидә лаек булды. Шулай ук 5 нче сыйныфтан Гатиятуллина Язгөлем, 9 нчы сыйныфтан Валеев Рәҗәп, Миннахметов Фирдүсләр дә көч сынаштылар. 

Шахмат буенчы ярыш шулай ук мәктәбебездә әле дәвам итә.