16, 17 нче гыйнвар көнне районда педагогик хезмәткәрләрнең дәрәҗәсен күтәрү, һөнәрилеген ачыклау максатыннан "Ел укытучысы " бәйгесенең муниципаль этабы үткәрелде. Бәйге яшь укытучылар, шулай ук инде тәҗрибә туплаган укытучылар арасында да, иң-иңнәрне күрергә мөмкинлек ача. Әлеге бәйгедә мәктәбебезнең инглиз теле укытучысы Минһаҗева Л.Т. да катнашты һәм лауреат исеменә лаек булды.

  Тарихы ерак гасырларга тоташкан шахмат  һәм шашка  уеннары бүгенге компьютер, гаджетлар дөньясында да популярлыгын югалтмый. Әлеге уеннарның иң төп әһәмияте - кешенең интеллектуаль сәләтен үстерергә ярдәм итүдә. Шашка белән шахматның аермасы юк. Аларның икесендә дә фикер йөртү көчле булырга тиеш. Бигрәк тә хәтернең яхшы булуы кирәк. Шуңа күрә тәнәфесләрдә дә, дәрестән тыш эшчәнлек вакытында да бу уеннарны уйнауны камилләштерәбез.

Рус теле һәм әдәбияты атналыгы кысаларында Бөек Җиңәнең 75 еллыгына башланган "Иң сәнгатьле укучы" укучы конкурсы уздырылды.

Татарстан - Россиянең бер субъекты.Ул 1920 елның 27 маенда оеша. В.И.Ленин кул куйган шушы боерыкка быел 100 ел тула. Бүген 1 нче сыйныф укучылары "Мин гражданин" дип исемләнгән дәрестән тыш эшчәнлек вакытында шушы вакыйга белән таныштылар.

Бүген иртәнге линейкада  13 гыйнвардан 20 нче гыйнварга кадәр мәктәптә рус теле һәм әдәбияты атналыгы үтүе турында игълан ителде. Атналык укучыларда фәнгә карата кызыксыну тәрбияләүне күздә тота.Рус теле һәм әдәбияты укытучысы Садриева А.З. атналык планы һәм нинди чаралар уздырылачагы белән таныштырды. Атналык кысаларында  Бөек Җиңүнең 75 еллыгына карата чаралар да,төрле кызыклы квннар, сәнгатьле уку буенча ярышлар планлаштырыла.Атналыкның беренче көнендә 5,6 нчы сыйныфлар өчен "Русский язык - язык поэзии" исемле ярыш уздырылды.

Башлангыч сыйныф укытучылары 1-4 сыйныф укучылары белән "Без террорга каршы!" темасына дәрестән тыш чара үткәрделәр.Әлеге чарада терроризм проблемасы, глобаль проблема, аның төрләре, максатлары, шулай ук гадәттән тыш хәлләр вакытында куркынычсызлык нигезләре тәкъдим ителде.Чарада укучылар үзләре нәтиҗә ясадылар һәм куелган бурычларны хәл итү юлларын төзеделәр.

Салкын кыш айларында безнең якларда кошларга ризык табу бик кыенга туры килә. Кошларга салкыннар түгел, ә ачлык күбрәк куркыныч тудыра.Без укучылар белән  кошларга көчебездән килгәнчә ярдәм итәбез . Җимлекләребезгә һәрдаим җимнәр сибәбез, кошчыкларның чөкердәшә-чөкердәшә җим чүпләгәннәрен кучыларыбыз сокланып күзәтәләр. Кошларга ярдәм итә алуыбыз өчен без бик сөенәбез.Табигатьне, әйләнә-тирә мохитне саклау, балаларга шуны өйрәтү - саваплы бурыч бит. Һәрберебез кошларга аз гына булса да өлеш чыгарса, алар кышны җиңелрәк уздырыр иде.
Кыш җиттеме - кошлар өчен
Без ашханә ачабыз.
Һәм кошларга эндәшәбез:
- Рәхим итеп ашагыз!

Бүген "Икенче буын федераль дәүләт белем бирү стандартлары шартларында укучыларның уку-эзләнү һәм проект эшчәнлеген оештыру һәм планлаштыру" темасына педагогик киңәшмә булып узды.Шулай ук 1 нче яртыеллыктагы уку эшчәнлегенә, сәләтле укучылар белән эшләү процессына анализ ясалды.

 Мәктәптә кышкы каникуллар файдалы уза. Укытучылар сәләтле балалар белән эш алып баралар: фән олимпиадаларына, төрле конкурсларга  әзерләнәләр.