Балаларның саф һавада булуы физик яктан камил үсеше өчен бик кирәк. Саф һавада йөрүләр бала организмын чыныктыруда беренчел һәм мөмкин булган чара. Шуңа да башлангыч сыйныф укытучылары бу чараларны даими үткәреп тора.

Күп еллар буена мәктәбебездә рус теле һәм әдәбиятын укытып, лаеклы ялга чыккан ветеран укытучыбыз Камалова Рәйсә Зариф кызының бүген олы юбилее. Мәктәбебезнең профсоюз рәисе Садриева А.З. 8 нче сыйныф укучылары белән аны бәйрәме белән котладылар.

Мәктәбебез Олы Кайбычның музыка мәктәбе янындагы мәйданчыкта уздырылган көзге уңыш ярминкәсендә бик теләп катнашып кайтты. Районыбыз халкына мәктәп яны җир кишәрлегендә үстерелгән яшелчәләр һәм алардан пешерелгән камыр ризыклары тәкъдим ителде. 

 4-9 сыйныф укучылары  математика фәненнән Бөтенрәсәй олимпиадасыннан мәктәп туры биремнәрен эшләделәр.

Укучыларыбыз спорт сәламәтлек комплексы "Салават күпере"нә яратып йөриләр. Йөзә белүчеләребез саны әлегә азрак. Ләкин ай саен аларның сафы тулылана бара. 

5 нче сыйныф укучылары уку грамоталылыгын (читательская грамотность) тикшерү буенча диагностик тест эшләде. 

Мәрхәмәтлелек атналыгы кысаларында үткәрелгән “Ветераннар янәшәдә яши” акциясендә мәктәбебезнең 8-9 нчы сыйныф укучылары бик теләп катнашты. Бу көннең максаты – яшь буынга патриотик тәрбия бирү, тыл һәм хезмәт ветераннарын хөрмәтләү. Ветераннар балалар белән үзләренең хәтирәләрен уртаклаштылар. “Безне зурлап искә алуыгыз  иң зур хөрмәт, иң зур бәхет,”- диделәр алар.

Район үзәк сырхауханәсе табибы Писарева Г. шәфкать туташы Миләүшә белән укучыларыбызга медицина күзәтүе үткәрде. 

Җәй тәмамалану моңсулык тудырса, мул уңыш шатлык китерә. Башлангыч сыйныф укучылары кырлардан җыеп алынган чөгендер уңышын үз күзләре белән күреп кайттылар. Шикәр комының өстәлебезгә килеп җиткәнче күпме юл үтүе турында укытучылары Алсу Мансур кызы кызыклы мәгълүмат бирде. 

"Көзге мәрхәмәтлелек атналыгы" һәм өлкәннәр ункөнлеге уңаеннан мәктәбебезнең яшь тимурчылары әби-бабайларның өйләрендә булып,аларның хәлләрен белешеп ,эшләрендә булышып кайттылар.