Бүген бездә физика һәм информатика укытучыларының районкүләм семинары.Мәктәбебезнең физика һәм информатика укытучысы Зиганшин Алмаз Равиль улы 8 сыйныфта физика фәненнән ачык дәрес һәм "Час кода " дигән ачык чара күрсәтте.

Сабирова Ильвина һәм Гобәева Миләүшә Сәйфетдинова Алсу Мансур кызы һәм Шәрәфиева Ләйсән Әлхәт кызы җитәкчелегендә Республика олимпиада үзәге оештырган "Әдәби марафон"олимпиадасында катнашып җиңү яуладылар.Алга таба да аларга уңышлар телибез.  

2007 елдан Россия Президенты Указы нигезендә, 9 декабрь Ватан Геройлары көне буларак билгеләп үтелә. Бу - Советлар Союзы Геройларын, Россия Федерациясе Геройларын, Дан һәм Изге Георгий орденнары кавалерларын хөрмәтләү, мәрхүмнәрен искә алу көне.Шул уңайдан мәктәбебездә "Батырлык дәресләре"үздырылды,һәйкәлгә веноклар салынды.

В августе 2019 года впервые в истории нашей страны пройдет мировой чемпионат по профессиональному мастерству по стандартам «Ворлдскиллс» в г.Казани. В целях популяризации и продвижения Чемпионата среди Интернет-аудитории запущен официальный сайт, размещенный по адресу https://worldskillskazan2019.com/. 

Балаларның иҗтимагый яктан активлыгын арттыру – яшьтән үк кирәкле гамәл. Үсеп җиткәч, актив гражданлык позициясендә булу, яшьләрнең үз оешмаларын ныгыту өчен алдан чаралар күрү комачау итми. Шул уңайдан район мәдәният йортында районның “Балалар оешмалары советлары” (СДО) вәкилләре катнашында “Яшь гражданнар Форумы” узды. Яшь гражданнар форумы дәвамында катнашучыларга түгәрәк өстәлләр, тренинглар оештырылды.Әлеге форумда безнең мәктәп укучылары да катнашты. Балалар  форумда үз эшчәнлеген 10 төп секция буенча алып барды. Алар мәдәният, яшьләрнең иҗади үсеше; сәламәт яшәү рәвеше, балалар спорты; эшмәкәрлек; массакүләм мәгълүмат чаралары; экология; патриотик тәрбия; балаларны, яшьләрне хокукый яктан яклау; социаль яклау, волонтерлык; белем бирү, фән; балалар хәрәкәтен үстерүгә багышланды. 

2 нче декабрь көнне укучылар арасында район күләмендә суда йөзү ярышлары узды. Шушы ярышта мәктәбебезнең 4 нче сыйныф укучысы Гермашина М. 3 урын яулады. Котлыйбыз һәм уңышлар телибез! 

Бүген мәктәбебездә Әниләр бәйрәме узды. Бәйрәмне башлангыч сыйныф укытучылары  алып бардылар.Бәйрәм татар халык уеннары белән үрелеп барды. Укучылар шигырьләр сөйләделәр, җырлар җырладылар. Бәйрәмгә бик күп әниләр, дәү әниләр килгән иде. Бәйрәм бик күңелле узды.

5 сыйныф укучылары әти-әниләре белән "Салават күпере" бассейнында күңелле ял иттеләр.Ата-аналар комитеты балаларына суда үз-үзеңне ничек тотарга кирәклеге турында инструктаж да үткәрде, төрле уеннар да уйнадылар.Мондый яллар барысының да күңелләренә хуш килде.