Яңа ел каникулларыннан соң  бакчабызда “Һөнәрләр дөньясында” кызыклы уеннар белән башланып китте. Балалар бакчабызның һәр почмагын, һәр уенчыгын сагынып килгәннәр. Кызыксынып,чын күңелдән рольләргә кереп табиб, чәчтараш,пешекче, төзүче, кибетче һәм башка  төрле һөнәр ияләренең нечкәлекләрен өйрәнәләр.

Бүген бакчабызның кечкенәләр төркемендә  “Хуш киләсен,Яңа ел” дип исемләнгән бәйрәм  иртәсе булып узды. Кунакка Кыш бабай белән Кар кызы да килде.Балалар аларга үзләренең өйрәнгән шигырьләрен,биюләрен,җырларын бүләк иттеләр. Кыш бабай да бүләкләр таратты.

Зурлар төркемендә “Яңа ел  бәйрәме” узды.  Балалар  төрле- төрле җәнлекләр  булып киенеп  җырладылар,биеделәр,шигырьләр  сөйләделәр. Кыш бабай  балаларны һәм  әти-әниләрне Яңа ел белән котлады.Балалар белән күңел ачты,бүләкләрен тапшырды.

Безнең балалар  бакчасында юл йөрү кагыйдәләрен өйрәнү буенча системалы рәвештә эш алып барыла. Балаларга  кечкенәдән юл куркынычсызлыгы кагыйдәләрен өйрәтү,юлда йөрү  күнекмәләрен формалаштыру максатында без мәктәпкә әзерлек һәм зурлар төркеме төрле чаралар үткәрәбез. Ә буген бездә кунакта Мурзакова Сиринә Мәсхүт кызы булды. Ул балаларга юл йөрү  кагыйдәләре буенча әңгәмә  алып барды. Балаларның белемнәрен тикшереп карады. Сириндә Мәсхүт кызы  буш кул белән килмәгән, китаплар бүләк  итте. Бу очрашу балалар өчен бик файдалы булды.

Балалар кышкы агач турында белемнәрен баеттылар һәм рәсем ясадылар.

Сак булыгыз: грипп!!!

Грипп- вируслы тын юлы инфекциясе (ОРВИ) төркеменә керә.Ул эпидемиягә әверелүчән. Моннан тыш, ул организмга өзлегү дә китерергә мөмкин булган кискен авыру.

Сулыкларда, боз  куркынычсызлык айлыгы кысаларында безнең балалар бакчасында тәрбиячеләр төрле чаралар һәм дәресләр үткәрделәр. “ Бозда үз-үзенне тоту кагыйдәләре” –дигән презентация карадылар,уен ситуацияләрендә  актив катнашып,кагыйдәләрне ныгыттылар. Боз өстендә үз-үзеңне тоту кагыйдәләрен үтәү генә бәхетсезлек очракларыннан сакланырга ярдәм итәчәк.

Бакчабызда әниләр көненә багышлап “Иң кадерлем-әнием!” бәйрәм иртәсе узды. Кунакка иң якын кешеләребез- әниләрне чакырдык. Бәйрәм җыр, бию, уеннар белән  үрелеп барды һәм бик күңелле үтте.

Ноябрь аеның соңгы якшәмбесе ел саен “Әниләр көне” булып билгеләп үтелә. Быел ул 27 нче ноябрьгә туры килә.  Бу көн һәр төбәктә, һәр мәктәптә, балалар бакчасында әниләребез өчен кичә-очрашулар үтә.Без дә бүген әниләрне  бәйрәмгә чакырдык. Балалар әниләрне бәйрәм белән котладылар.Балаларда әкият  аша әниләргә карата ихтирам һәм хөрмәт хисләре тәрбияләнде.

Ноябрь аеның соңгы көннәре үтеп бара. Урамда  тып-тын һәм аяк астына  йомшак кар яуган.Безнең кошларыбызгада ярдәм итер вакытта килеп җиткән. Шул исәптән без балалар  белән кошларыбызга җимлекләр элдек һәм аларны җимлеккә кунакка чакырып җимнәр сиптек.