Ел саен 12 апрельдә Россиядә Космонавтика көне билгеләп үтелә. Нәкъ менә 1961 елның шул көнендә Җир орбитасына беренче тапкыр кеше булган космик корабль-спутник чыгарыла. Шушы көн уңаеннан безнең Кошман  “Тиенкәй”  балалар бакчасында да истәлекле чара узды. Балалар беренче космонавт Юрий Гагарин турында видео карадылар, ракеталар ясадылар, Космос дөньясына сәяхәт күңелле һәм файдалы булды!

Бүген безнең балалар бакчасында "Сәламәтлек көне" билгеләп үтелде.  Балалар күп төрле хәрәкәтле уеннар уйнадылар, сулыш гимнастикалары да ясадылар. Алар белән бер рәткә тәрбияче  апалар да гимнастика ясарга бастылар. Һәр көн балалар бакчасына килгәч тә, ясала торган гимнастикаларның ни дәрәҗәдә мөһимлеген белделәр. Балаларның сәламәтлеген кайгырту- һәркемнең дә бурычы!

Балалар бакчаларында тәрбияләнүчеләр арасында «Татар кызы, татар малае-2026” бәйгесен уздыру – районда күптәннән килүче матур традиция. Һәрвакыттагыча, ул быел да югары дәрәҗәдә үтте. Бәйгедә 5 кыз һәм 5 малай көч сынаштылар. Безнең Кошман «Тиенкәй» балалар бакчасына йөрүче Язгөлем Саттарова катнашты (җитәкчесе Илһамия Сәлахова)  Язгөлем бәйгедә үзенең сәләтләрен күрсәтте . Үзе турында таныштыруы,  шигырь сөйләүе, искиткеч биюләре,  матур җырлары белән шак катырып  « Татар кызы-2026” исеменә лаек булды. Афәрин, Язгөлем! Киләчәктә дә уңышлар телибез сиңа!!!

Районыбызның Хуҗа Хәсән авылында, «Аленушка» балалар бакчасында «Яшь мастер»төбәкара балалар чемпионатының муниципаль этабы узды. Безнең «Тиенкәй” балалар бакчасыннан  Саттарова Язгөлем әлеге чемпионатта   “Пешекче эше” номинациясендә катнашып, 3 нче  урынны  яулады. Җитәкчесе Халикова С.Г. Алга таба да уңышлар телибез.

Районыбыздагы балалар бакчасында тәрбияләнүчеләр арасында Сәйяр” балалар һәм яшүсмерләр театрлары фестиваленең район этабы узды.Әлеге бәйгедә безнең балалар бакчасының мәктәпкә әзерлек төркеме Гөлсинә Гәрәеваның “ Бер картлыкта-бер яшьлектә” - дип исемләнгән өзеген сәхнәләштерделәр. Алар беренче урынны яуладылар. Аларның чыгышлары видео итеп  республика этабына җибәрелде. Театр коллективларына иҗади уңышлар телибез.Җитәкчеләре: Салахова И.Г.

"Тиенкәй" балалар бакчасының кечкенэлэр төркемендә тәрбияләнүче балалар "Тәрәзә төбендәге бакча- 2026"  Бөтенроссия экология акциясенә кушылды. Беренче язгы яшеллекнең күз алдында өлгерүен күрүдән дә күңеллерәк нәрсә юктыр. Нәтиҗәдә, балалар яшелчә, үсентеләр үстерү, үсемлекләрнең үсүе һәм үсеше өчен кирәкле шартлар турында бик күп нәрсә белделәр. Балаларга  тәрәзә төбендәге бакча белән шөгыльләнү – контейнерларны туфрак белән тутыру, суган һәм помидор утырту бик ошады.

Сөйкемле әниләр, назлы әбиләр, газиз сабыйлар, бакчабызның барлык хезмәткәрләре!  Сезне бүген барыгызны да язның беренче бәйрәме 8 март белән котлыйбыз! Эшегездә, тормышыгызда уңышлар, сәламәтлек, бәхет, озын гомер телибез!

Гаилә! Никадәр шатлык ,никадәр тантана бу сүздә! Балалар  әти-әни турында матур җырлар,шигырьләр, биюләр,сәхнәләштерелгән өзек аркылы үзләренең мәхәббәтләрен аңлаттылар. Бәйрәм бер рухта,сизелмичә үтеп китте.

Бүген  районыбызның татар балалар бакчалары тәрбиячеләре, тәҗрибә уртаклашу максатында, Кошман “Тиенкәй ” бакчасына җыелды.
Ана теленә өйрәнү гаиләдән үк башланырга тиеш, диләр. Өйдә әти-әниләре татарча сөйләшсә, балалар да туган телебезне яхшы белер иде. Бүген без балаларны хәреф танырга, сүзләрне иҗекләргә аерырга, татар телендә аралашырга өйрәтү алымнарын күрсәтергә, әлеге өлкәдә туплаган тәҗрибә белән уртаклашырга җыелдык. Семинар балаларның сәламләү сүзләре, җырлары, биюләре белән башланып китте.

15 февральдә татар шагыйре Муса Җәлилнең тууына 120 ел була. Шагыйрьнең исеме бөтен дөньяга билгеле, ул батырлык, каһарманлык, Ватанга тугрылык символы булып санала.Шул уңайдан, Кошман авылы китапханәчесе балалар бакчасы белән берлектә, мәктәпкәчә яшьтәге балалар өчен «Муса Җәлил – герой шагыйрь» дигән әдәби кичә уздырды. Гөлия апабыз балаларга герой – шагыйрь Муса Җәлилнең тормышы, балачагы, аның китаплары һәм шигырьләре  турында сөйләде. Музыка җитәкчесе Айгөл апалары  белән «Карак песи»,  « Сәгать»исемле җырларын җырладылар. Хәзерге вакытта Ватаныбызның патриот гражданинын тәрбияләү бик мөһим. Безнең балалар үз геройларын – үз тормышларын геройларча бирүчеләрне, батырлык һәм каһарманлык күрсәтергә омтылучыларны белергә тиеш!