Татар халкы үзенең бөек шагыйре Габдулла Тукайны онытмый. Ел саен 26 апрельдә аның туган көнен билгеләп үтә. Безнең "Тиенкәй" балалар бакчасында , сабыйларда Г.Тукайның иҗатына кызыксыну тәрбияләү максатыннан, төрле чаралар оештырылды. Тәрбияче Ильхамия Галим кызы җитәкчелегендә “ Бала белән күбәләк “шигырен сәхнәләштерделәр.

25 апрельдә Россиянең барлык төбәкләрендә Бөтенроссия Эколята көне билгеләп үтелде. Эколяталар-чын дуслар һәм табигатьне саклаучылар, әйләнә-тирә мохитне яратучы, саклаучы балалар. Эколяталар көне кысаларында безнең балалар бакчасында "Планетаның киләчәге безнең кулларда!», дигән чара узды. Бу көнне тәрбияләнүчеләргә күңелле Эколятлар кунакка килде. Алар белән бергә Эколятлар гимнын тыңладылар. Хәрәкәтчән уеннар уйнап, табигатьтә үз-үзеңне тоту кагыйдәләрен искә төшерделәр, экологик юнәлештәге уеннарда катнашып күңелле ял иттеләр.Тәрбияче:Халикова С.Г.

22 апрельдә Халыкара Җир-Ана көне билгеләп үтелә. Бу чиста җир, чиста һава һәм су бәйрәме.Ул безгә тагын бер тапкыр уйланырга ярдәм итә.Һәр гамәл зәгыйфь табигатьне җимерә дә, аның моңарчы  булмаган матурлыгын  саклый да ала. Безнең балалар бакчасында Җир көненә багышланган тематик көн узды. Ә Калашникова Зәринә әнисе белән бергә “Җирне саклагыз!”  дип аталган кул эше ясап килде. Бу кул эше көнебезне гагын да ямьләндереп җибәрде.(тәрбияче Насретдинова Д.М.)

Апрель-май айларында тирә-юньне чистарту, тәртипкә китерү икеайлыгы юкка гынә игълан ителми. Чөнки яз җитү белән кыш буе кар астында күренми яткан чүп-чар баш калкыта.Икеайлык барышында барыбыз да хуҗалык тирәләрен, елга, су буйларын җыештырып, тәртипкә салырга тиешбез. Әйләнә-тирәбездәге чисталык һәм матурлык булдыру бары тик үзебезнең кулларда.

Бүген  Кайбыч муниципаль районы балалар  бәйгесе “Татар малае,Татар кызчыгы-2025”узды. Безнен балалар бакчасыннан сөйкемле ,нәни кешебез Фатыйхова Назлыгөл  үзенең сәләтен күрсәтте. Ул “Милләтпәрвәр кыз” исеменә лаек булды. Җитәкчесе Салахова Илхамия Галим кызы.Назлыгөлнең әнисе дә зур тырышлык  куйды. Алга таба да саулык сәламәтлек ,тыныч күк йөзе ,бәхетле балачак телибез.

Бөтендөнья сәламәтлек көне – үз сәламәтлегенә битараф булмаган һәр кешенең шәхси бәйрәме! Аның әһәмиятен бәяләп бетерү мөмкин түгел, чөнки ул безгә иң кадерле, иң кыйммәтле нәрсәбезне – саулыгыбызны саклау кирәклеге турында тагын бер кат искә төшерә. Бүгенге коронавирус белән бәйле шартларда һәркайсыбызның үз саулыгы турында кайгыртуы аеруча актуаль мәсьәлә. Кошман “Тиенкәй” балалар бакчасында Сәламәтлек көне узды. Бу көн сәламәтлек өчен файдалы . “Сәламәт тәндә-сәламәт рух!”,- дип юкка әйтмиләр.

Экологиягә багышланган әлеге бәйрәм уңаеннан "Тиенкәй" балалар бакчасында тематик кичә үткәрелде. Кичәнең максаты - туган ягыбызның кошлары турында балаларның белемнәрен ныгыту, табигатькә сакчыл караш тәрбияләү. Алдан үткәрелгән эш вакытында балалар урамда кошларны күзәттеләр, аларны саклау буенча фикерләрен әйттеләр, кул эшләре ясадылар. Кичә барышында балалар кошлар турындагы сорауларга җавап биреп, презентация карап кызыклы мәгълүмат белән таныштылар..Кошларга багышланган әлеге бәйрәм балалар өчен бик файдалы да, кызыклы да булды.Экологияне саклауда кошларның зур эш башкаруларын, аларның үзләренең дә табигатьнең бер өлеше икәнен онытмасак, аларны сакласак иде.Тәрбияче:Салахова И.Г.

Бүген 1.04.2025 “Эко весна” Бөтенроссия акциясе кысаларында  “Тиенкәй” балалар бакчасында язгы өмә узды, анда балалар бакчасы хезмәткәрләре генә түгел, тәрбияләнүчеләр дә актив катнашты. Мондый чаралар бердәм генә түгел, ә балаларда патриотик хисләр, башкарган эшләре өчен горурлык тәрбияли. Һәркем чын күңелдән тырышты!

26 нчы март көнне Кама Тамагының 2 нче номерлы “Кояшкай” балалар бакчасында  “Мәктәпкәчә яшьтәге  балаларга әхлакый-патриотик тәрбия бирү” темасына мәктәпкәчә белем бирү хезмәткәрләренең  чираттагы  зона семинары узды. Безнең “Тиенкәй” балалар бакчасы тәрбиячесе Насретдинова Диләрә Маратовна күргәзмәләр оештырып, “Бакчабызда Бөек Җиңүнең 80 еллыгын каршылап...”- дигән темасына уңышлы гына чыгыш ясап кайтты. Киләчәктә дә иҗат уңышлары  телибез!